【收視分析師】拍續集真係咁好咩? 只係想食老本敷衍觀眾

撰文:
最後更新日期:

歡迎收睇《收視分析師》,首先要同大家講聲唔好意思先,因為前幾日都係紅假,所以就嚟到今日先有!相信有睇開《溏心風暴3》嘅觀眾上星期應該睇到勁肉緊,無他嘅,因為淨係睇陳敏之同唐文龍段不倫戀到已經夠,好似仲好睇過d爭產劇情。Btw循例都要講下今個星期《溏心3》嘅收視嘅,都係嗰句無驚喜呀!!!!只係比上星期高0.1點,報21.5點,唯一可以做嘅就只有嘆氣...

《溏心風暴3》只係比上星期高0.1點...

其實《收視分析師》唔單只講TVB劇架,都要講下電視圈呢排發生咩事。好似上星期一最多人講一定係「亞視復活」,相隔一年半,亞視再度開機以OTT形式播節目,仲請埋一班前TVB高層擔任新管理層,同時宣佈投資逾1億重新開拍《我和殭屍有個約會》及《英雄本色》劇集版。可惜到未開拍就已經撻Q,因為時隔4天,美國FOX及馮德倫所屬的電影公司 分別出聲明指擁有兩套劇集的相關版權。亞視至今都仍然未有解釋事件,究竟結局會點呢?!

亞視上星期一舉行記者會,宣佈將以OTT形式同觀眾見面。

【收視分析師】《溏心3》收視就快1字頭 不如轉睇KC送飯

  【收視分析師】爭產劇打唔入國內市場 《溏心3》只係「還可以」

《壹號皇庭》同《刑事偵緝檔案》嚟嚟去去劇情都差唔多,但起碼續集入面嘅故仔同拍攝手法都唔同。

有好多人都話究竟亞視係咪因為無題材,先要搞到重拍《我和殭屍有個約會》及《英雄本色》。我又唔覺喎,因為呢啲根本就係大勢所吹,TVB呀,電影咪又係咁,不斷將劇集瘋狂拍續集,好似《壹號皇庭》同《刑事偵緝檔案》同埋《無間道》咁,雖然套路都係來來去去都係查下案之後上court,但最起碼拍攝手法同故事都唔同呀,個個殺人犯背後都自己嘅故仔先喇!

我估《魚樂無窮》應該無版權...亞視可以考慮一下重拍....

好可惜,近年劇集第二輯都唔係太好成績,好似而家播緊嘅《溏心風暴3》,之前嘅《使徒行者2》同《老表畢業喇》咁,收視都唔算太好,只係維持係23點。喂,古語有云「見好就收」,所以班監製同電視台係咪要拍到爛先心安呢?所以大家唔好賴亞視無題材喇,順帶一提今次亞視以OTT形式播節目,如果想睇多啲唔同節目嘅話仲要俾38蚊月費收看。其實以前亞視唔洗錢都無人會睇,而家仲要俾月費(係咪玩嘢?!),我真係唔信俾錢睇《魚樂無窮》囉!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。