澳門賭王何鴻燊千金何超蓮一向都與82歲的舅母感情很好。不過上年12月超蓮的舅母就因為感染病菌而要入院，臨近除夕期間，超蓮更為了陪伴舅母而留在香港。舅母留院時，超蓮更顯得非常憂心。最後舅母不幸因為肺癌併發症而離世。何超蓮：「其實一開頭冇嘢㗎，淨係因為感冒去睇下醫生攞啲藥，咁醫生一話要照（X光）就照到係cancer，佢好快就因為有併發症就（過身）。」

超蓮接受訪問時透露，與舅母感情非常要好，一直都是住在一起。對於舅母突然離世，超蓮一時間都接受不了。更因此需要食抗焦慮的藥物助眠。何超蓮：「宜家心情好啲，因為醫生都開咗啲藥，唔好咁焦慮同瞓得好啲。雖然我都係瞓唔到，但係起碼心情冇咁壓抑。（食藥要食幾耐？）醫生開咗2個星期藥，要食哂。」

親人離身當然是很傷心，超蓮亦都解釋了食精神藥的原因。「因為我同佢係好親好親嘅人，喺好短時間內要接受呢件事有啲難。因為同一時間我酒店開幕，要喺公司處理好多野，中間有好多嘢發生，所以個精神就好似分裂咗咁。」

雖然舅母離世對超蓮打擊好大，但是今天她還是收拾了心情，出席了一個真人show慈善活動的首播會，大會更向超蓮的Smile With Us HK慈善機構捐贈了45萬的捐款。早前超蓮更為了該慈善活動，而去了澳洲拍攝。

關於何超蓮參與這次真人show ，原來是因為丁子高的邀請。旅程中，超蓮更稱呼丁子高為「丁爸」。「有次凌晨3點要坐車去雪山，我就諗住落車買嘢食。跟住佢（丁子高）係即刻問：『咦，有冇錢吖妳？』就即刻拎個銀包出嚟俾錢。我話：『咦？你係我daddy，係咪？點解要咁俾錢我。』所以佢就叫丁爸啦。」

《香港01》訪問中，何超蓮被問到會否嘗試大陸的真人騷節目。她說：「抗拒嘢我都鍾意玩呢啲game，睇吓有冇呢個機會啦，我都唔知。（我有機會，會唔會搵埋G.E.M.？）可能係佢搵我去，因為啲人多數會搵佢，多過搵我。」