【3日2夜】陳雅思濟洲行全程包到上頸 興幸不用穿泳衣可以吃宵夜

撰文:
最後更新日期:

《3日2夜》由第一輯開始一直大受觀眾歡迎。每每有新一期節目,新面孔都被網民不辭勞苦地cap圖留下珍貴一刻。不過早前無綫高層就發了內部通告要求旗下藝人劇組「減少不必要性感」,此令一出無不聞風色變。而不少網民亦非常擔心養眼場面不再。

陳雅思不嬲都好多網友like。(陳順禎攝)

今次新一輯《3日2夜》就有不少新面孔,其中之一就是2016年香港小姐季軍陳雅思(Bonnie),她會與潘梓鋒到韓國濟洲。睇到呢度,相信大家會好興奮,因為難得港姐會拍《3日2夜》,更會令人聯想到陳雅思的泳衣或者浸溫泉畫面。不過,好可惜,大家今次可以要失望而回。

幻想中陳雅思去《3日2夜》是咁的。(Instagram圖片)

陳雅思接受《香港01》訪問,被問到節目中會否以泳衣上陣。她說:「完全冇吖,其實係因為濟洲係凍到,如果真係要浸溫泉係好大件事。所以今次睇我哋節目係會去啲好靚嘅地方,去玩吖,去雪山嘅地方,但係就冇泳衣。其實most of the time(好大部分時間)我係著住雪褸。(包到上頸?)總括嚟講係,哈哈哈。」

事實係咁...(Instagram圖片)

但是去其他地方的女生們都有陽光與海灘。上郵輪拍攝《3日2夜》的Judy鄺潔盈、陳詩欣、伍樂怡、鄧以婷都有泳池泡泡派對可以show下身材,更不用說去了帛硫的歐陽巧塋啦。節目出街之後,應該會馬上高下立見。咁點算呢?Bonnie回答說:「我唔覺得係輸蝕。我反而覺得好好彩,佢哋唔使好凍。講真,我呢排都食咗好多嘢,唔使著泳衣反而冇咗個壓力,我係開心嘅。」仲話唔使著泳衣就變相唔使節食減肥,每晚都可以收工之後食宵夜添!

陳雅思Bonnie平時啲相好靚㗎。(Instagram圖片)

+13
+12
+11


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。