【任噏亂評.溏心風暴3】仲拍系列續集?TVB不如正視自身問題先

撰文:
最後更新日期:

《溏心風暴3》做了40集終於完結,如果以收視嚟睇,作為一套50周年的重頭台慶劇,一定係唔及格,甚至不於另一套同等地位的《誇世代》。如果加埋坊間嘅評價,直頭可以講係差!一成不變的套路,沉悶的劇情,加埋最尾係人都估到的大結局,由一開始大力造勢,到最後甚至連討論的聲音都愈來愈少。TVB歸究有兩個原因,一就是收視的計法並不統一,所以未能統計出最全面的收視,第二便是因為大陸率先播放,大家都已經上網偷睇了。

由夏雨醒返做結局,真係好老土!(電視畫面)

其實做完今次《溏心風暴3》,收視和評價都差並不是一件壞事,希望至少能夠令TVB重視這個問題,就係一個系列係咪一定要不停地拍落去呢?當年《溏1》和《溏2》,收視高收到破紀錄,因為社會出現小甜甜爭產事件,觀眾們對這個題材十分有興趣,加上仍然正值TVB的高峰時期,所以收得絕對係預期之內。但去到今時今日,爭產事件其實大家都已經再無感覺,如果你話係一套家庭溫暖劇,來來去去都係夏雨、司琪姐、菊姐等人,真係好容易令人厭倦,《愛回家》都由馬家變成龍家喇!再加上TVB的勢頭已經不如10年前,這個雖然未必關套劇事,但都絕對影響現在的收視,TVB除了要諗係咪仲要拍系統續集之外(法證先鋒已經準備緊第四輯),更加要諗吓係咩問題令到觀眾愈來愈少睇TVB。

繼續不停拍續集究竟係咪好事?(劇照)

+6
+5
+4

【誇世代.任噏亂評】2047魔王亂港有深度 香港隨時會劇境成真

【任噏亂評.溏心風暴】網上盜睇唔係收視差借口 TVB幾時認輸?

【任噏亂評.溏心風暴3】一套脫節嘅劇集 不如搵農夫Do姐拍劇喇

歸根究底,TVB的風評愈來愈差,各方意見都指出劇集的創意度低,來來去去都是一堆演員,而且題材挾窄,仲要乜劇都要加條愛情線入去。雖然TVB今次其實都有好劇集,例如《踩過界》和《降魔的》,都是成本不高但拍出來有讚眾讚好的劇集,《誇世代》雖然作為台慶劇不算成功,但它的搞笑位做得好,如果劇集不是要拖長50集嚟做,縮返短啲,加埋編劇臨尾的天馬行空,絕對也可以成為一套好劇。講到尾,TVB其實唔係拍唔到好劇,只係有好多人都已經唔再選擇去睇TVB,同比起以前個個坐喺屋企睇TVB,時代已經變得好快,TVB追唔上呢個浪潮。不過睇住《降魔的》這個劇本由選募得來,其實係想有轉變,但轉得夠唔夠快,轉得好唔好睇,就要睇TVB造化了。

《誇世代》臨尾個劇情都幾爆。(電視畫面)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。