《降魔的》馬國明親解唔玩社交網之謎:有利有弊,要好有信心先玩

撰文:
最後更新日期:

馬明已經係唔少網民心目中嘅視帝。

聽晚就是無綫《萬千星輝頒獎禮2017》舉行的日子,憑住劇集《降魔的》獲提名角逐視帝的馬國明,至今一直是大熱門人選。無論劇集本身抑或是馬明於劇中的演出,都深受觀眾和網民的喜愛,紛紛力撐他成為今年的視帝。方以文於facebook舉行的投票結果亦是由馬明勝出。一向沒有玩社交網的馬明,雖然無account睇facebook、instagram又或者是微博,唔可以同粉絲網民互動,不過他都有keep住上網睇討論區,而《降魔的》的群組亦會轉發有關該劇以及演員的網上消息,所以馬明自言:「我全部都知,全部都有睇,係緊貼住呢啲消息嘅。」

佢話自己有緊貼網上消息㗎。

當人人都玩社交網,馬明竟然連account都沒有,點解他唔玩呢?對此他說:「我覺得社交網有利有弊,我都見過好多人玩到鬧晒交,搞到要剷走埋,所以要好小心咁處理,唔係貿貿然咁玩。我仲學緊,依家研究緊睇下點樣可以玩得叻啲,當我研究到好有信心嘅時候呢,我都會參與下嘅。同埋識玩社交網都可以賺到錢,賺到錢係我好大嘅動力嚟。暫時未諗到開咩,我仲研究緊開邊樣方便啲,我啲朋友都有提議,要再睇下。」至於爭獎的心情,他依然是嗰句:「平常心啦。如果攞獎嘅致詞都唔需要特別準備,都係多謝《降魔的》監製同編審,成個劇組同埋TVB啦。」

【降魔的】馬國明未收到通知落實開拍續集:有無我都一樣開心

《降魔的》第二季隨時開鏡 編審羅佩清親證:進一步開展靈異世界

《降魔的》榮登Google 2017熱搜冠軍 馬明好興奮:創作上勇敢啲

早前《降魔的》一班演員一齊拍片拉票。

馬明話自己研究完就會玩社交網㗎喇。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。