《善良地活吧》JINU@WINNER犯罪坐監？　權玄彬@JBJ庭上辯護爆喊

《善良地活吧》19日首播，粉絲準備好你哋嘅偶像要去「坐監」未？（網上圖片）

韓國綜藝節目唔止有音樂節目《神秘音樂秀：蒙面歌王》、選秀節目《Produce 101》、《The Unit》、仲有生活系列嘅《孝利的民宿》、《姜餐廳》等等，而19日首播JTBC全新綜藝《善良地活吧》仲將大家帶到去監獄添啊！《善良地活吧》係由拘捕到審判再到收監呈現一系列真實司法程序嘅節目，令出演藝人JINU（金秦禹）@WINNER、權玄彬@JBJ、柳炳宰、金鐘民、金甫城、朴建炯、Don Spike等人都體驗一次坐監經歷，仲要喺佢哋唔知情嘅情況底下，將佢哋變成犯人收於監內，而住喺佢哋監房隔離嘅仲係真正犯咗事嘅犯人！

INNER CIRCLE（WINNER粉絲名稱）睇到JINU被捉有無好心痛…（影片圖片）

權玄彬@JBJ仲喊咗出嚟添！（影片截圖）

其實《善良地活吧》係一個想帶出「唔好犯罪」嘅節目宗旨去製作，同時令觀眾有設身處地嘅感覺，借此加大阻嚇。不過突然變成犯人嘅JINU同權玄彬就因為突然變成犯人，似乎就被嚇親，仲喺法庭上喊咗出嚟。

權玄彬JBJ隊友金相均作為目擊證人出庭作證。（影片截圖）

+20

原本《善良地活吧》唔係咁受歡迎，不過因為節目組認真嘅製作，搵咗好多專業人士提意件，同時都感受到節目組嘅用心，加上用意係向大眾傳達「唔好犯罪」嘅宗旨，十分令觀眾滿意。