【萬千星輝.任噏亂評】賽果算正路 但《誇世代》憑咩拎最佳劇集

撰文:
最後更新日期:

《萬千星輝頒獎典禮2017》終於頒完,以前好多人話TVB頒獎禮無公信力,啲獎亂咁派,所以睇唔睇都罷。不過今次TVB似乎好識做,好多受到觀眾歡迎的劇集、人物都有獎拎。最緊要嘅係,無綫兩套重頭台慶劇《誇世代》同《溏心風暴3》都在頒獎禮上觸礁,《誇世代》只有「最佳劇集」獎,而《溏心風暴3》更加係一個獎都無,呢個真係勢都估唔到,雖然話兩套劇收視都唔高,不過TVB今次真係夠膽唔俾獎台慶劇,抵讚!

「最佳劇集」由《誇世代》奪得,好奇怪。(電視畫面)

賽前呼聲十分之高的兩位男藝員-王浩信和馬國明,分別奪得視帝和「我最喜愛電視男角色」,佢兩個拎獎相信都無人會覺得唔公平。而女藝人方面,唐詩詠首度封為視后,賽前大熱嘅佢,拎到呢個獎都算正常,至於「我最喜愛電視女角色」則由蔡思貝爆冷奪得,因為賽前其實都無乜人會估佢有獎拎,仲有李佳芯喺度嘛。至於「最佳男配角」由陳山聰拎都係正路,話晒佢喺星、馬都已經拎過獎,「最佳女配角」由朱晨麗小小爆冷爭贏朱千雪和姚子羚,不過頒俾佢又絕對唔算唔公平,始終她近年做戲愈來愈好,又有觀眾緣。麥美恩拎「飛躍進步女藝員」絕對係實至名歸,即使唔係戲劇組,但大家睇佢做主持都好開心。「飛躍進步男藝員」由楊明奪得,其實睇佢做咁多年劇,今年喺《心理追兇 Mind Hunter》扮一個有社交障礙的角色做得相當好,俾個獎佢都好合理。

馬明終於拎獎喇!(電視畫面)

其實最想講嘅都係《誇世代》拎「最佳劇集」,在過往的歷史,無拎過其他獎項但拎到「最佳劇集」就只有《天與地》和《女人唔易做》。其實《女人唔易做》在當年收視係全年最高,而且馬明都有拎到「飛躍進步男藝員」,至於《天與地》更加唔使講,當年被網民捧到去極點,拎到獎絕不為奇。但係《誇世代》呢?佢喺之前完全無拎過任何獎,收視亦未高過《同盟》,可能最尾有點跟風《天與地》想講香港未來的情況,但係最後又戴晒頭盔,完全無聲音可討論,咁究竟佢憑咩可以拎「最佳劇集」?

【萬千星輝】最受歡迎電視男角色 馬國明奪獎無多謝心穎

【萬千星輝】汪明荃爆seed講藝員心聲:加人工、山頭文化少啲

你又點睇呢個「最佳劇集」?(電視畫面)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。