【萬千星輝】馬明失落視帝 唐詩詠：佢永遠係我最佳男主角！
撰文：溫菁莉
出版：更新：
唐詩詠係後台受訪時指，同自己講過如果係台上拎到獎一定要多謝好友田蕊妮。（江智鶱攝）
詩詠大讚馬明，不過佢身邊呢位視帝係王浩信。（江智鶱攝）
入行15年今年終於憑着《不懂撒嬌的女人》Cherry一角成為視后嘅唐詩詠，獲獎後接受《香港01》訪問時就話除了多謝田蕊妮同媽咪之外，仲有要多謝好多人，「一定要多謝我身邊一班好朋友，佢地每日都send msg俾信心我。當然仲有Stephen（陳志雲），我嘅經理人，仲有哥哥同爸爸！」
至於好友馬明失落視帝獎項，唐詩詠就話：「佢永遠係我最佳男主角！」（江智鶱攝）
唐詩詠笑言無諗過自己會得獎，所以未有慶祝活動，「咁爸爸都係係屋企等我嘅，返去食啲嘢咁。」提到在台上特別點名感激田蕊妮，她透露認識對方一刻她就幫助自己好多，「無論做戲定係人生發生咩事都好，佢都俾好多鼓勵我。咁所以我都同自己講，如果有機會係呢個台拎呢個獎嘅時候，我一定要多謝佢，咁等咗咁耐，佢終於等到啦！多謝你呀，田蕊妮小姐！！」
講到好友馬國明失落視帝獎項，但就由好拍檔王浩信奪得，會否替馬明感到不值？唐詩詠就話，「佢永遠係我最佳男主角，兩個拎我都好開心，都會同佢照慶祝，一起努力！」
詩詠努力有回報！（江智鶱攝）
完騷後，唐詩詠在電視城門外與粉絲分享喜悅。（陳順禎攝）