汪明荃講山頭文化 劉江再附和:我好有感受,佢講嘅我都好支持佢

撰文:
最後更新日期:

早前汪明荃汪阿姐在《萬千星輝頒獎禮2017》上,有一番致辭講出了大部分TVB藝人的心聲,她說:「如果公司人工可以加多啲啲,休息時間多啲啲,關心多啲啲,山頭文化少啲啲,一定可以留到更多人才,士氣更加高漲,我哋可以好自豪咁講我係來自TVB!」這番說話立即引來全場人場鼓掌,真係唔知高層們聽不聽到他們的吶喊呢?

【萬千星輝】汪明荃爆seed講藝員心聲:加人工、山頭文化少啲

汪阿姐嘅言論贏盡掌聲。(電視畫面)

其實不單止汪阿姐,今日在《平安谷之詭谷傳說》的活動中,有位在TVB份量也是很重的人,在公司內人人叫他做老師,就是劉江,他也十分附和阿姐。他從事電視已經超過40年,加入TVB也有36年,絕對有資格像汪阿姐一樣幫藝人們發聲。在接受《香港01》訪問時,被問到如果評價汪阿姐的說法,他說:「點睇?我好有感受,佢講嘅我都好支持佢,其實所謂嘅山頭文化,我哋唔會去理,做好自己。尤其我自己嘅感覺,就係你覺得需要我咪嚟搵我,我就無乜所謂嘅。至於加人工,其實同全香港一樣喇,你話要同艱苦,我哋同你共艱苦,但係好景嘅時候有無加到呀?大家心知肚明喇,哈哈!」

劉江老師好鍚啲後輩。(梁碧玲攝)

除了山頭文化和人工,其實工時長也是TVB經常被拿出來的話題,有不少藝人都試過連踩兩三日,劉江老師就咁睇:「其實電視係咁樣嘅,不過我都好反對,因為我呢一代以前都已經捱過,而家去到後生呢代,希望唔好好似我哋以前咁捱,生活正常啲,有家庭嘅就應該有返家庭生活,咁先係正常。所以我都成日同公司講,我話新一代唔應該咁,公司應該向前進,應該改,無理由仲要佢哋去捱,我(嗰一代)已經捱咗。」其實當一個又一個的藝人同事都這樣發聲的時候,TVB係咪真係要諗諗呢個問題呢?

劉江在1982年已經在TVB做包拯。(劇集《福星高照》)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。