【平安谷】譚凱琪揚言之後行動會更激：迫我嘅人唔會有好下場
撰文：黃梓恒
出版：更新：
《平安谷之詭谷傳說》由一班女性組成了一個「抗暴聯盟」，去對抗內一班男人的強權，誓要爭取女性的權益。而這個聯盟其中一個發起人便是伍惟明（譚凱琪(Zoie)飾）。除了與一眾女人扮鬼在村裡嚇人之外，之後還有更多復仇計劃，在接受《香港01》訪問時，Zoie說：「更加激嘅嘢其實都有，喺呢條村，女仔通常都係屋企人幫手安排婚姻，自己無得選擇愛情，我都唔例外。但係喺阿爹要我嫁人嘅過程當中，我當然都會反抗喇，扮鬼已經唔算好激烈嘅行動，之後仲激，不過就唔係我一個人做，係成班姐妹幫手。佢哋都真係救咗我，好似我俾人迫咗去做啲我唔願意做嘅人，嗰個人都唔會有好下場。」好大嘅殺氣呀！
為保護自己，一定要反抗！（劇照）
+2
【平安谷】劉江最終會被女權起義成功：我唔會死，係happy ending
講到尾，其實都是一班男人欺壓女性才迫得她們走上這條路，Zoie講到劇入面的劇情雖然對香港有點離地，但世界上可能有地方會繼續發生這些事，她續說：「惟明呢個角色係一個好正義嘅女仔，亦算係喺村內讀得最多書，因為佢偷晒佢阿爹嘅書嚟睇。正正反映咗而家呢個社會嘅爭議，例如女仔係咪有啲時候無權發聲，又或者之前新聞講到俾有權力嘅男性欺壓，而家多人去關注返呢個議題，而我哋嘅劇情都好受爭議。自己拍嘅時間好似代入咗角色咁，好多好震撼嘅場面好真人真事咁，例如殉葬，雖然呢個年代好似離得好遠，但其實可能喺啲小社會或者比較落後嘅村落都會有存在。至於香港嘅女權係有進步，以前法官一定男法官多啲，打刧放人質一定係放女性同小朋友先，其實男女好難好平等，但呢個社會開始變好。」
Zoie表示女權可能在某些地方仍然是沒有的。（梁碧玲攝）
+2