張繼聰《誇世代》慶功宴現身 人間有情唔尷尬:阻唔到我地慶祝

撰文:
最後更新日期:

剛過去星期日舉行的台慶頒獎禮,獲《最佳劇集》獎項的台慶劇《誇世代》晚上在尖沙嘴舉行慶功宴,一班演員當然有出席包括陳豪、歐陽震華、麥明詩及譚凱琪等人都有出席。而所屬公司同TVB打緊官司的張繼聰亦有現身,他接受《香港01》訪問時就話唔尷尬,「只不過係公司之間嘅問題,唔可以宣傳同亮相,但都阻唔到我地慶祝㗎嘛,人間有情!」

張繼聰晚上都有現身《誇世代》慶功宴。(陳順禎攝)

阿聰透露自己近期都是忙於拍網劇同電影,但最開心就一定係新年有假放,「我見通告我年廿九就可以收爐,其實新年都好少開工,但我估初二應該要拍嘢,但都已經好開心。」咁情人節點慶祝呢,係咪會同「前世情人」寶貝囡一齊過?提起囡囡阿聰即刻笑到冧曬,「情人節唔咁諗啦,屋企又要照顧小朋友,都係同太太簡單食餐飯,唔會出埠。」今年首次同寶貝囡過新年,阿聰同太太都有幫佢買勁多衫,提到有無再買「假髮」俾囡囡,阿聰笑言買咗好多,希望囡囡無再驚戴假髮。

他透露年廿九就收爐,同家人過新年。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。