現在做BB真係幸福！好似鄭希怡（Yumiko）的萌爆女兒梁浸浸（梁子柔）般，周五她一歲生日，媽媽愛女心切，為她搞生日會，並以超級英雄做主題，cute得來又貼近潮流！

Yumiko邀請了好友徐濠縈、劉浩龍等出席女兒生日P，更攬實梁浸浸合照放上Instagram。相中可見，梁浸浸打扮成神奇女俠，枱上擺放了一個四層高的糖霜蛋糕，蛋糕上亦有神奇女俠、美國隊長及超人公仔，中間還印有梁浸浸的英文名Avery，認真特別！所以話，做BB真好，又可以扮靚，生日更有個靚靚蛋糕，實在萬千寵愛在一身，令人羨慕！