【波士早晨】陳慧珊被飛出宣傳海報 黃智賢:劇中Flora仍有戲份

撰文:
最後更新日期:

TVB劇集«波士早晨»將緊接«平安谷之詭谷傳說»播出,呢套劇拍完三年先出街,女主角陳慧珊(Flora)現在於ViuTV擔任監製,據說她在劇中的戲份被大幅刪減,淪為配角,呢日TVB於中環進行劇集宣傳,無陳慧珊係意料中事,就連宣傳海報都完全唔見佢嘅踪影。

放咗喺倉底三年,TVB劇集«波士早晨»將緊接«平安谷之詭谷傳說»播出,今日一眾演員於中環街頭宣傳。(冼燕珊攝)

同劇嘅男主角黃智賢(Ben)就話套劇唔會完全刪減晒Flora啲戲:「呢套劇唔會無咗Flora,Flora的粉絲可以放心,故事嘅內容變化不大,而刪減之後嘅版本我哋都未睇過,所以評論唔到太多。」李佳芯亦解釋,群演的戲份很多,點刪都刪唔到咁多。

女主角陳慧珊現於ViuTV擔任監製,劇集的海報完全不見其踪影。(冼燕珊攝)

《波士早晨》女主角原為陳慧珊,由喺海報企中間變成企埋一邊,依家連影都無。(網上圖片)

咁會唔會覺得白費咗Flora之前嘅參與同付出呢?阿Ben就話希望大家都可以將重點放返落套劇度,俾呢套劇正面嘅評價:「每一個演員,包括李佳芯、陳慧珊,都好落力去演,公司的安排我哋控制唔到,希望大家欣賞每個演員的付出。」

黃智賢和李佳芯說劇集仍會有陳慧珊的演出,叫大家放心。(冼燕珊攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。