【流行經典50年】阮兆祥歌唱比賽僅輸李克勤　出過三碟夢想做歌手

《流行經典50年》搵來搞笑三子「褔祿壽」阮兆祥、王祖藍和李思捷，其實他們三個除了十分擅長搞笑之外，亦都十分之唱得。祖藍唱得好多人都知，因為他經常在大陸節目上獻唱，連詞都會填埋，思捷扮聲功力連四大天王都扮到，唱歌當然無問題。至於祥仔，今日帶來自己的歌曲《我心深處》，大家會否奇怪，原因他竟然有自己的歌曲？

當然！雖然他在是電視界的重點人物，不過祥仔其實是歌手出身，15歲已經開始兼職酒廊歌手，1984年參加新秀歌唱大賽，可惜落敗。不過沒有放棄的他再參加第二屆全港十九區業餘歌唱比賽，贏得了季軍，而該屆冠歌是李克勤。之後入過港台拍劇和做DJ，在1988年出了他的第一集唱片《序曲、另一半》，下一年再出一隻《我心深處》。之後為了增加知名度，便加入了TVB，其間都出過一隻EP《是祥惠的》，亦是最後一隻。在1997年離開TVB想重拾歌手身份，可惜唱片公司力圖唱片出現問題，搞到佢無得出碟，之後回巢TVB，結果在電視界闖出名堂。