【情人節.有片】古巨基親唱高登神曲《毒男》:今天無懼放閃

撰文:
最後更新日期:

情人節街裡愛人一對對,食飯睇戲想搵單丁位好似難過登天一樣,唔通單身就唔過得2月14咩?其實一個人又有咩好怕喎﹗「其實毒…一個更開心…」只要上網search這一句,出來的結果一定是古巨基和《毒男》。基仔雖然早就結咗婚,不過都深明單身人士喺情人節深受煎熬嘅痛苦,特別拍片祝福無拍拖嘅朋友,仲開金口唱網上Hit爆二創歌曲《毒男》﹗高呼:「今天無懼放閃﹗」

基仔呢個POST,無論單身定有拍拖都一定LIKE爆(古巨基Facebook)

呢首《毒男》改編自古巨基嘅經典金曲《愛與誠》,喺2009年由討論區巴打二次創作歌詞並獻唱,歌詞中道盡了不少「毒男」的心聲,受網友力推。多年來都有唔少人召喚原唱演繹,9年後嘅情人節基仔終於聽到呼喚啦﹗

情人節一個人出街食飯,又真係比較難搵位嘅……(古巨基Facebook)

基仔匿喺被入面唱出:「若要做情人 未有屋未有錢點做情人……」成件事真係相當應景﹗佢留言話:「我知道依首歌喺高登 hit 左好耐,好多網民都有叫我唱,趁今日情人節,我就唱兩咀啦~祝單身的朋友,今天無懼放閃,毒L也可以很快樂!」有網友好奇點解喺被入面唱,基仔就好攪笑回覆:「怕被古太聽到……」睇嚟呢個版本好快會超越原作啦﹗

開金口慰藉單身朋友,仲要逐個留言回覆,古巨基真係相當貼地。(古巨基Facebook)

《毒男》

原曲:《愛與誠》,古巨基
改詞:一眾高登會員
主唱:長陰無奈剪斷

其實毒L一個更開心 洗L你講
其實毒L早晚留在家 卻扮忙
恨有港女可碰撞 然而無聊事幹 不敢打搞對方
每日上住網 女優找幾趟 ACG女卻更加好幹
不要哭 我也想不到這幾年來要脫毒
沒法真的脫毒了 聽到呢隻歌會好滿足

若要做情人 未有屋未有錢 點做情人
遇見小月 至少可愛迷人
和女人想親咀 最終只會淪為僕人
祈望女朋友 鬧交亦有因
別拜金 不拜耶神
具愛心 迎合理想可配襯
我願脫了毒才認真 可惜都口震

情願扮gay不要愛港女 摧毀理想
情願毒得若無其事般 更困難
做個專訪反應慢 傳媒無能亂喊 搵三雞都要貪
再像個淑女 仍是港女眼 俾仔玩都怨妹死心眼

沒有舊情人 沒有屋沒有錢 不做情人
做隻寵物似狗可笑娛人
和你挽袋跟尾 最終只會淪為僕人
如若做情侶 是否就獻心
就獻金 好像全能
若要咁 其實似港女老襯
這預告 發自虔誠內心

對女生 逐漸死心 太毒的我兩腳不穩
唯有北上 現在轉一轉台尋覓我新生

沒有舊情人 沒有屋沒有錢 不做情人
做隻寵物似狗可笑娛人
和你挽袋跟尾 無謂明日變做呀甘
如若做情侶 是否又獻心
又獻金 好像全能
若要咁 其實似港女老襯
我願似個毒男避女生 見港女手震



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。