《偶像運動會》EXO燦烈:贏保齡請食飯 Wanna One邕聖祐:BB時就打
撰文：沈洛嘉
出版：更新：
EXO燦烈在《偶像運動會》開賽前，定下公約贏到冠軍就請食飯！（網上截圖）
每逢新年，韓國綜藝《偶像運動會》都會作為特備節目，取代原來的電視節目。不過《偶像運動會》早前就話唔搞，之後又復辦，令各家Kpop粉絲非常不滿，因為唔少韓星都曾經提過，《偶像運動會》其實係藝人拍拖、眉來眼去嘅勝地！作為fans當然唔想自家偶像上《偶像運動會》而葡萄傷心啦！
EXID的Hani同INFINITE聖圭都聽到流晒口水！（網上截圖）
今年《偶像運動會》新增保齡球項目，當中就由Wanna One成員裴珍映同賴冠霖對戰EXO的燦烈，以及TRAX成員Jay。當時EXO燦烈仲訂下金牌公約「如果拎到冠軍就請參加保齡球比賽嘅所有人聚餐」而作為MC嘅聖圭@INFINTE同Hani@EXID就反問係咪包括埋佢哋？Hani仲表現出好期待嘅眼神！
尹智聖同李大輝拎住Wanna One應援手燈打氣！（網上截圖）
+16
喺《偶像運動會》保齡球比賽中，EXO燦烈同Wanna One裴珍映都分別打過全中，名副其實係高手！就連INFINITE聖圭都講到：「一早有聽聞過燦烈打保齡球好勁，今日終於親眼見識到佢嘅實力！」另外，Wanna One雖然只派裴珍映同賴冠霖出戰，但Wanna One其他成員都有嚟到現場支持，好似尹智聖、朴志訓、邕聖祐、李大輝等。而尹智聖同李大輝仲拎住Wanna One應援手燈打氣，邕聖祐就話：「由屋企開始已經大力支持，所以宜家把聲都沙埋。」之後邕聖祐仲話一啲都唔擔心《偶像運動會》保齡球比賽，事關出戰嘅Wanna One成員都係由BB時期已經唔玩奶樽而玩保齡球，希望佢哋可以拎到冠軍！
EXO燦烈打出全中勁興奮！（網上截圖）
Wanna One裴珍映緊貼燦烈都打出全中！（網上截圖）
最終SM家族的EXO+TRAX聯隊，就羸咗Wanna One出線，但冠軍就未知花落誰家。（網上截圖）
伯賢V Live想罵私生飯讀錯電話號碼 無辜事主慘被EXO-L炸爆電話
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/