【春晚】黃渤又唱又跳唔輸小鮮肉 孖陳偉霆張藝興組新男團都得

撰文:
最後更新日期:

年又過年又有好多新年特備節目睇,就好似年年都是重頭戲的內地中央電視台於年卅晚舉辦的《春晚》(《春節聯歡晚會》)咁,今年亦唔例外準備了好多節目陪伴大家過年。繼兩位天后王菲同那英相隔二十年合體唱《歲月》掀起高潮之外,由兩位小鮮肉陳偉霆﹑張藝興孖著黃渤又唱又跳的表演,亦成為網上話題。

黃渤跳舞一點唔輸陳偉霆﹑張藝興。(網上圖片)

陳偉霆同張藝興唱得跳得就人人都知,原來唔講唔知黃渤都同樣咁勁,孖著 兩位小鮮肉表演一點違和感都沒有,他們三人齊齊合作《最好的舞台》,輪流唱歌又跳舞,大跳復古Disco舞風起勁有力,動作又十分齊整,一點都唔輸兩位小鮮肉。三人睇起上嚟仲好似一組新男團,睇到觀眾嘩然想唔到黃渤有咁大驚喜畀大家。

張藝興跳舞時候好型。(網上圖片)

陳偉霆的舞技絕對唔差。(網上圖片)

正正因為表演實在太精彩討論度高搞到黃渤不知幾開心,在社交網站留言:「唱得開心!跳得開心!你們開心嗎再開心一下。」叫大家睇多幾次,認真搞笑。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。