汪明荃覺香港人生活緊張易動怒：要放寬心懷 鄭少秋自認係豬兜
撰文：張嘉敏
出版：更新：
今日大年初三赤口不宜拜年，汪明荃同鄭少秋就齊齊為沙田馬場舉行的農曆新年賽馬日擔任嘉賓，獻唱賀年歌祝福大家。問到汪阿姐有無試話年初三赤口拜年同人嘈交，她說：「無喎，都無咩去拜年，我年初一至年初七都要開工。不過唔好話年初三吖，香港人唔理初幾都可以嘈交嘅，應該係話初三唔嘈交已經好好㗎喇。（覺得佢哋好鍾意嘈交？）香港人生活緊張，好容易動怒，大家可以多啲放寬心懷，凡事退一步，心平氣和啲去面對。」
汪阿姐叫大家盡量放寬心懷。(陳順禎攝)
至於秋官一樣係未試過初三拜年同人嘈交，他強調：「我都唔鍾意同人鬧交嘅，咩日子都唔會同人嘈。」他又指自己和汪阿姐生肖都是屬豬，今年屬豬運程相當不錯，但卻不覺得自己好運，笑言：「點解我豬兜咗咁耐都未輪到我？」
秋官話自己係豬兜。(陳順禎攝)