綠葉王鬼塚係傳奇設計師 造衫造到九龍城有成棟樓?

撰文:陳栢宇
出版:更新:
鬼塚本身就係一個傳奇。

拍過五十多套經典電影的鬼塚,幾乎套套戲都係做衣衫襤褸的爛仔,齋睇戲服好難話佢有Fashion Sense,但原名伍健忠的他除了演員這個身份之外,其實更是一個時裝設計師,不但私底下著得潮爆勁有型,其主理的時裝甚至是不少女性的Must Item,絕對是叱吒風雲。當記者打算找他電話訪問,講講加盟無綫以及一些江湖傳聞時,他便立即勁熱情請記者影相兼面談,更在記者面前連飲幾杯啤酒,一個字講哂:豪邁!

TVB仲簽咗呢班綠葉王:

無綫一鋪簽入五大綠葉猛將 其中人一更加拍過韓劇 

因為佢除咗係演員,仲係一個名震江湖嘅時裝設計師,自家品牌分店曾開遍大江南北。

鬼塚的經歷可說是一個傳奇,11歲時在洋服店做學徒的他,就曾經做過車行等各行各業,但次次都被炒收場,到1985年才開了第一間自家品牌「鬼塚」:「喺旺角家樂商場開,之後又搬去柯士甸路,再衝出香港去澳門、北京、上海等地開分店。」

佢真係好鍾意Harley-Davidson電單車。

到2003年因痛風症而無奈結束生意的他,在2015年便開始重操故業做設計,整日製牛仔褲:「之前有個年紀有返咁上下嘅女人喺街截住我,話畀我知佢有條我整嘅裙爛咗都唔捨得掉,問我有冇可能整條新嘅畀佢,我話唔得喇,我退咗休唔整裙喇。」

鬼塚拍劇會出動自己嘅私伙衫。

作為一個傳奇人物就一定有好多江湖傳聞,當中就包括有人指鬼塚在九龍城伯爵街有一棟物業,他聞此即連聲否認:「唔係!梗係唔係啦!(又有個故仔話你揸波士返電視城拍劇喎,然後畀人抄牌,硬食咗張牛肉乾,搞到成日人工冇咗。)其實我揸返工啲油都唔止啦,一條大直路都冇咗成舊水啦,架車咁大食。」

簽TVB總有原因:

64歲型伯鬼塚簽TVB打發時間 拍過五十套戲:有得演出已經開心

鬼塚同佢嘅保時捷愛駒。

傳聞當然不止一單兩單,為香港引入不少大牌子的他,就被指當年有份所有型佬都趨之若鶩的神級電單車品牌Harley-Davidson。不過,他受訪時便答謂:「唔係我引入呀,我鍾意揸哈利啫。(引入過咩?)以前嘅嘢唔講咁多啦,雖然都好開心,但我哋睇明天架嘛,不過好多日本牌子都真係我做嘅,但退休之後我都係玩多過做。」

雖然好鍾意演戲,但佢從來唔敢諗開套戲畀自己。

問有否諗過開戲畀自己?他笑謂:「梗係唔會啦!因為嚴格嚟講我唔係做呢行,不熟不做,做時裝我就贏梗嘅,投資其他嘢就蝕梗嘅。我開過酒吧架,但係蝕到X街,因為自己飲哂啲酒,朋友嚟買一打我又送四打。」

+11