黃子華用追女仔比喻人生夢想 哲學級棟篤笑真係冇乜邊個講到

撰文:黃梓恒
出版:更新:

黃子華終於再開棟篤笑,在這個要求十分高的香港社會,大家似乎對黃子華開的棟篤笑有莫名奇妙的信心,一來他曾經真真實實帶過好多歡樂給香港人,二來黃子華能夠將哲學這種高深抽象的學問,化成一種笑話去演繹。所以好多人說黃子華的棟篤笑表面是笑的,但想深一層其實內有意思,要慢慢細味才能真正明白到他的意思。

呢個show,香港人等咗4年喇!(資料圖片)

在2010年的《娛樂圈血肉史2》,子華在完show前再次走上台上,饒有意味地跟大家講了一番說話,他說:「呢個咖哩啡,有一年我喺中國一個地方叫橫店度拍戲,我扮演一個角色叫宋世傑。喺休息嘅時候,就有一個年青人,啫係咖哩啡喇,佢做兵嘅。佢就走埋嚟問我,佢應該唔係好識我,佢話主角先生,我已經做咗兩年兵,你知橫店好荒蕪吓,除咗拍戲基本上乜都無。佢話我已經喺呢個地方做咗兩年兵,我真係好想做明星好想做戲,你覺得我應唔應該繼續堅持落去。我同佢講,咁喇,你繼續試喇,你試到真係覺得試唔到,咪試吓第二樣囉。」

子華每一個show都有一種意義,留意吓棟篤笑個標題。(資料圖片)

子華還說到人生夢想就好像追女仔一樣,有人會好直接,當被拒絕一次就放棄;有人死纏難打到個女仔放狠話然後才放棄;有人即使被放狠話依然繼續堅持,說不定他最終可以成功追到個女仔,誰能猜得到?其實是看你耐力有幾多,人人不同,都沒無謂,因為人生並不是只有一個女仔。

唔好因為一裸樹而放棄一個森林。(資料圖片)

【任噏亂評】黃子華曾被評江郎才盡 今日紅館開17場人人爭搶

【棟篤特工】黃子華唔只票房收得 電視劇套套平均30點無人能及

【棟篤特工】子華票房毒藥不再 單日狂收300萬超越《一蚊雞》15倍

【棟篤笑2018】黃子華落實7月6日開騷 票價破紀錄$880又秒殺?

「呢個世界唔係得一個女仔,呢個唔得係有第二個㗎。二十年前,有個朋友原來係想做時裝設計師,屋企家境關係要迫佢做護士,佢頂唔順,結束咗自己生命。我20年前,就係夢想破滅嘅時候,我就係屬於死都唔走要試,就行到呢個地步。呢20年裡面,幾多風波幾樣衰我都經過,如果一個女仔唔接受你,你當無晒就結束實在太可惜。當日我想做一個演員,但如果今日你俾一個演員同我交換身份,甄子丹代我做動作替身,梁朝偉替我做文戲替身,無論套戲幾好,人類睇完好感動,動物睇完好衝動,我都唔會將呢個位置同你交換。所以其實係無人知㗎,大家呢樣唔得,試吓第二樣,多謝!」

好快想啲聰子華講道理。(資料圖片)

人生的意義對每個人都不同,但當你碰壁後如果想不開,的確很容易走上絕路,尤其是香港社會現在愈來愈多自殺的個案,年齡更有愈來愈少的跡象,香港的確需要關注這個問題。子華的說話,人生不只一條路,這條路正在堀地,轉往下一路,甚至退一步返回起點再重選一條路,人生流流長,永遠都不會遲。

影片傳送門