高海寧索爆靚body都要靠後天努力keep ：「澱粉質唔可以亂咁戒」
撰文：張嘉敏
出版：更新：
高海寧 (高ling) 每次出席活動，打扮都必定成為焦點，昨晚她就以一身性感晚裝出席夜場活動，曾透露自己家教好嚴的她，原來就算長大後也極少到夜場玩，她說：「會畀記者影到㗎嘛，今日就攞正牌嚟見識下，都試過有朋友生日開party我去say個hi，自己唔係好飲酒，好有節制，可以拎住杯酒成晚，啲朋友同我去玩會好無癮。」
高ling出名樣靚身材正。（梁碧玲攝）
+2
高ling為咗keep靚副body下咗唔少苦功。
高ling無論是否置身夜場，樣靚身材正的她都經常會成為焦點，一副咁靚的body除了先天條件之外，後天的努力也不可缺少，她表示有跟教練做運動去keep身材。問到有咩秘技可以瘦身唔瘦胸，高ling直言：「其實瘦身一定會瘦到個胸，我自己都唔例外，只有靠做運動去令到身形線條更firm更靚。」
好想要有高ling咁好嘅身型，做運動是好重要的。
飲食方面，她曾經一日三餐只吃水果加麥皮來減肥，但後來問了教練知道這樣吃不健康，現在會依照教練為她設計的餐單進食：「例如食雞胸肉、三文魚同蔬菜，都有食澱粉質，我做完運動會食一碗飯，澱粉質唔可以亂咁戒，完全戒絕澱粉質會令身體新陳代謝減慢，反而仲難減肥。」