【果欄中的江湖大嫂】馮盈盈演「小狼女」最合適 爆金句係做自己

撰文:
最後更新日期:

《果欄中的江湖大嫂》入面,未知大家最印刻的角色是哪一位呢?有很多觀眾都表示馮盈盈(Crystal)飾演的小狼女十分搶眼,事關在劇中她十分之市俗,而且有不少搞笑的對白,直情有少少帶黃的成份,例如:去爆房吖、成日谷住谷住好辛苦㗎喎、玩你咋仲唔試到你個咸濕仔、我識佢老鼠啊等等。

在劇中講嘢比較粗魯,現實中講嘢也是比較直接。(劇照)

其實Crystal做這個角色真的十分相襯,因為她本身也是一個比較貼地的人,平時的言語也會有少少市井的味道。至於劇集內的對白,在接受《香港01》訪問時,她表示有時世事真的很巧合,她說:「入面有一部份都係劇本有寫,例如劇本話要叫醒植物人嘅方法,我係要叫個老婆用挑起性慾嘅方法叫醒佢。拍呢段嗰種咁啱係播《後生仔傾吓偈》,大家都好驚訝我會講啲爆炸性言論,咁啱我又睇緊劇本係呢段,我爭啲以為編審係見到我個節目所以專登寫落去,但原來係我諗多咗,本身小狼女呢個角色就係咁爆,我真係覺得呢個世界嘅嘢係啱啱好。」

Crystal講嘢有時無意中帶著黃色,究竟係節目效果定佢份人本身就係咁呢?(Instagram圖片)

+16
+15
+14

【果欄中的江湖大嫂】林敬剛捱足24年冇揸流灘:hea做就被淘汰

【果欄中的江湖大嫂】陳煒重提「沐浴巨星」:好多紋都可以光滑晒

【果欄中的江湖大嫂】無綫突然公佈首集收視 緊係因為好收先講喇

【果欄中的江湖大嫂】甄詠珊初出道日日捱:為咗兩個飯盒乜都做

除了一些劇本上已預備的對白,Crystal也有份修改劇本,而且是圍繞著自己的角色去改對白,作為一個新人的確是一個很有演藝細胞的嘗試,亦證明導演編審們對她的信任,她說:「至於其他例如識你老鼠就係我自己加嘅,因為我覺得劇本剩係話我唔識佢,但我個角色嗰吓係好嬲,我應該要講得粗魯啲,我會自己修改。我都好開心係劇本加少少自己特色或者改少少,導演都會俾自由我咁做,先出到呢個大家有印象嘅對白,之後仲會有㗎,大家留意吓。」

未必個個有膽量提出自己嘅睇法,作為一個演員是必須的。(劇照)

這個角色看似是為Crystal度身訂造,但原本劉佩玥(Moon)才是這個角色的真命天女,但後來因檔期問題再改為由Crystal頂上,她表示:「我無收到明文通知呢個角色係邊個做,我一嚟傾角色就已經係呢個,但係我都明大家點解會咁諗,上年嘅影視博覽宣傳片已經有阿moon,所以本身預咗有佢參與,但最後無喇。不過我哋都會見到面,因為佢拍《跳躍生命線》同我喺同一個廠,我哋喺化妝間講返起呢件事都幾好笑。」今次由馮盈盈飾演這個角色可謂襯到絕,換轉是其他人可能就未必有這個效果了。

如果小狼女換咗其他人就未必咁入型入格了。(劇照)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。