【飛虎之潛行極戰】陳偉霆拍無綫劇? 樂易玲都想:佢啲劇係天價

撰文:
最後更新日期:

《飛虎之潛行極戰》作為一部TVB跟內地的合拍劇,當然會在大陸優先播,在昨天的宣傳活動上,大會指出4月6日在優酷平台播,而mytvsuper則是同步播。不過TVB幾時播呢?樂易玲樂小姐在接受《香港01》訪問時話:「佢哋安排咗5月份播,不過係幾時呢,就等公佈喇,我哋已經知道㗎喇。」

《飛虎之潛行極戰》一係等5月,一係俾錢睇先。(陳順禎攝)

今次用了過億的製作成本,邵氏今次落足心機希望打靚網劇招牌,樂小姐好有信心,她認為開一部戲連自己都覺得會失利就不應該開,她說:「開嘅時候應該就要有信心,之後就係睇你成功多定成功小,同埋睇你將成功定係邊個位。我而家已經覺得係成功,我哋全部最好嘅朋友同演員,都返嚟做好呢件好開心嘅事,即使拍攝過程辛苦,但拍完大家都覺得成功。如果一部戲可以好好咁拍完,咁多人幫手,我已經覺得係成功嘅一部份,如果所有嘢都係講錢同票房,呢個係後話喇。」的確今次真是陣容鼎盛,主演已經有苗僑偉、黃宗澤、吳卓羲、張兆輝、王敏奕、王敏德、黃智雯、吳岱融及陳凱琳,真是粒粒皆星。

終於可以喺TVB見返佢兩個。(陳順禎攝)

今次是黃宗澤和吳卓羲離開TVB後再度合作,再次請返他們兩個,人工要跟足他們在內地的價錢,一定貴好多。不過樂小姐有另一種看法,她說:「佢哋今日同往日喺TVB嘅知名度,喺電影圈嘅份量都唔同咗,當然我哋係應該俾返合理嘅價錢喇。但係我覺得錢都請唔到佢返嚟,係好開心嘅一件事,頭先都有人話要留期返嚟拍,我覺得最困難係諗一個劇本,大家嘅戲份同份量都係咁多,呢個係最難度,我唔想厚此薄彼。」樂小姐看著他們入行,看著他們成長繼而成名,亦很自豪他們會回來拍劇。

樂小姐好鍚佢兩個。(陳順禎攝)

【飛虎之潛行極戰】吳卓羲收友情價接拍:片酬係抵畀,我係抵用嘅

【飛虎之潛行極戰】黃宗澤唱插曲 真係有驚喜:最緊要大家開心

跟大陸做合拍,電影的做法很多時會請一位大陸的明星,以便打開在大陸的市場。現今大陸一線紅星,又是香港人,一定要數到陳偉霆,未知樂小姐會否找他合作呢?她說:「第一要睇演員時間喇,第二要睇戲種,其實陳偉霆同我哋都同熟,仲有李治廷喇。我哋開多啲劇喇,多啲製作,都想搵佢哋合作,你知佢哋真係好忙。佢啲戲佢啲劇係天價,同埋佢嘅收視喺內地都好好收視,佢又係香港演員,真係好值得為佢驕傲。」

樂小姐表示香港演員係有個優點喺度。(林迅景攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。