謝安琪囡囡Kakaball將滿1歲 拒大搞派對：太細個啦未識享受
撰文：溫菁莉
出版：更新：
如果要數「你最期待的女歌手」復出，相信有很多人都會揀謝安琪，去年誕下囡囡後她就專注照顧家庭，但一向對慈善活動不遺餘力的Kay今日下午於尖沙嘴出席「藝術自駕「油」」活動，提到囡囡張靖（kakaball）後日就滿1歲，問到Kay會否為家庭再增添多一個成員時，她就表示，「嘩！應該就唔會啦，我覺得自己已經好滿足對於而家嘅家庭生活，同埋工作嘅發展都好滿意。」
Kay表示自己好滿足現時的家庭生活，未有考量再生多個。（黃國立攝）
記得Kakaball百日宴時在迪士尼舉行，相信今次1歲生日party一定盛大舉行，Kay就笑言，「囡囡太細個啦，未識享受大型party，都係約咗一兩個ＢＢ仔朋友一齊食蛋糕，唱下生日歌等佢感受下咁。」
謝安琪今午同一班小朋友出席「藝術自駕「油」」。（黃國立攝）
講番今日活動是關於小朋友的藝術發展，Kay直言自己好鍾意畫畫，而一對寶貝仔女都有遺傳到，但自己就唔會強逼他們學。對於大仔張瞻開Instagram，唔夠一個星期followers已經過5千，Kay亦有留言。她就表示作為家長有責任睇緊啲，「會留意下佢係網上同大家溝通緊啲乜嘢，暫時嚟講佢啲分享都幾好，幾開心幾單純，一個好直接嘅小朋友，我覺得網友們對佢嘅feedback都幾好，好多支持佢，咁樣對一個小朋友已經係好好，對佢係一個好好經驗。」
Kay透露大仔張瞻最近開始喜歡玩樂器，又彈琴又結他。（資料圖片）
+2