黃子華拍片確定告別棟篤笑 《金盆𠺘口》不設巡迴：101%香港本土
撰文：陳穎思
出版：更新：
黃子華昨晚出席活動時宣布今年7月舉行的《金盆𠺘口》，將會是他28年棟篤笑生涯的收山作，引起全城嘩然！本來子華的棟篤笑騷已是一票難求，相信告別演出的門票更加是爭崩頭，個個都想欣賞「子華神」的最後表演。告別棟篤笑言論一出，網上即惹來熱烈討論，子華於凌晨時份在其官方Facebook專頁上載短片，就收山一事再作解畫。
「今次個騷名叫《金盆𠺘口》，其實佢唔係一個騷名，佢係一個真正嘅階段，就係小弟金盆啷口。」子華話當日宣布開騷時，已經想講埋係黃子華最後一個棟篤笑，但他的團隊認為此舉太決斷，他又話曾經諗過想學已故流行天王米高積遜（Michael Jackson），將個騷叫做《This Is It》，但又拍被歌迷鬧死！
子華講到咁肯定要告別棟篤笑，大家真係要諗諗計撲飛了。
所以子華最後決定用返好多年前諗過嘅「金盆𠺘口」：「冇錯！就係好似好多人認為嗰個金盆𠺘口，呢個係小弟原則上最後一個棟篤笑。」另外，子華亦提到好多人問佢幾時會巡迴演出，他澄清今次開騷只限香港不會巡迴，原因是演出主題以香港為主，是：「我以前去第二度做騷，好多時候啲朋友都會問：『會唔會講吓馬來西亞、三藩市、美國，或者廣西』，好多時我真係會擺一啲當地材料落去，但係呢一次係101%香港本土題目，所以如果我去第二度巡迴，係對大家不負責任，所以係唔會巡迴，同埋的而且確係最後一個棟篤笑。」