【金盆𠺘口】黃子華歷年棟篤笑上載官方YouTube 網民每晚當追劇
撰文：梁子健
出版：更新：
人人都知黃子華將在紅館舉行最新一次，亦係最後一次棟篤笑《金盆𠺘口》。臨別依依，相信大家都好想親眼目睹男神最後一次搞笑風采，不過肯定一票難求，以致哀慟震天！幸好，子華神早有妙計安撫大家，常言道「獨樂樂不如眾樂樂」，所以他昨晚一次過將自己大部分的棟篤笑片段上載至個人官方YouTube頻道，讓大家回味一番。
黃子華官方YouTube頻道中，包含了他1990年開始的第一次棟篤笑《娛樂圈血肉史》，至2012年第十三次棟篤笑《洗燥》，獨欠2014年的《唔黐線唔正常》，及尚未舉行的《金盆𠺘口》。相信假以時日，子華神一定會補齊他所有棟篤笑片段上YouTube讓大家笑餐飽。
子華即將舉行人生最後一次棟篤笑《金盆𠺘口》。(網上圖片)
黃子華在香港被喻為神一般的男人，說話搞笑兼語帶諷刺，諗深一層更有哲理成份。唔信？簡單羅列幾個例子，包你五體投地高呼男神，諸如：
「若要人不知，唔好咁低B」、
「三十六著，恃強凌弱」、
「損人不利己，不如跳井死」、
「有恩不報未算差，有仇不報正人渣」、
「卸咗妝仲認得叫化妝，唔認得叫喬裝」、
「老闆畀份人工你，一半係畀你做嘢，一半係畀你受氣」。
不得不佩服，佢真係金句一籮籮。