《翻生武林》穿崩 大大個坑渠蓋長時間出現畫面中央

撰文:
最後更新日期:

昨晚一集《翻生武林》中,有位「人兄」好搶鏡,雖然一句對白都無,但佢嘅企位比之劇中蕭正楠、陳凱琳、簡慕華等重要角色,企得更加突出、更加正中,令觀眾不自覺將目光停留喺佢身上,就連站在城樓上除褲驗明正身、露出美腿嘅黃智賢亦被比下去、被該位「人兄」搶晒風頭!講咁耐都未正式介紹呢位「大人物」,它就係渠蓋!

企定定喺畫面中心,戲份應該好重。(劇集截圖)

劇集穿崩少不免,無綫劇集穿崩更加係見慣不怪,相信大家隨時都講得出幾個例子,諸如:古代劇《食為奴》中張繼聰身後出現貨van、《帝女花》中陳豪一句「同朕再check下」等等。

陳豪呢幕相當經典。(網上截圖)

【翻生武林】關梓陽處男劇 24歲新人為拍劇決定暴增磅

【翻生武林】TVB武俠片無進步? 姜大衛:而家同拍電影差唔多

今次《翻生武林》出現穿崩真係毫不意外,亦唔會係例外,繼早前有網民疑惑點解明朝會有厚切三文魚腩,昨晚就大大個渠蓋得正正喺畫面正中央,令嗰幕情節睇落相當突兀。但大家唔好忘記,此劇劇情好多暗示、隱喻、諷刺、影射,又「盟主選舉」、又「蛇齋餅糉」、又「和平理性非暴力」等等等等。張漢斌都解釋咗係導演將劇本「生豬肉」改為「魚生」啦,所以今次渠蓋有咁重戲份,一定係有啲嘢想話俾大家知,除非唔係,

戲中的男主角蕭正楠在回覆《香港01》時表示:「係咩?好眼力喎網友們,其實佢哋有所不知喇,其實渠蓋喺明朝已經有,有幾年百歷史㗎喇。真係呢…戲就無人睇,睇渠蓋…其實嗰場戲嗰重點阿Ben(黃智賢),係佢呢個無蓋嘅渠,唔係地下嗰個有蓋嘅渠。」

盟主=民主?(劇集截圖)

蛇齋餅糉不時都聽到。(劇集截圖)

斷估係講緊「和理非非」。(劇集截圖)

大大嚿魚生。(劇集截圖)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。