【逆緣】翟威廉唔介意周奕瑋上位:佢早過我去日本

撰文:
最後更新日期:

翟威廉出席《逆緣》的宣傳活動,在劇中飾演力追林夏薇的兵仔,追女仔最緊要係咩?靚仔囉!咁翟威廉其實已經好合格,咁仲需要啲咩呢?有啲女仔需要男士有上進心,學多啲嘢絕對上進!在現實中,翟威廉便是一個相當好學的人,不過近來卻沒有時間再為自己增值,接受《香港01》訪問時他說:「無喇,而家要專搞網絡,無時間喇,不過關於一啲網絡上直播嘅IT嘢都會學吓,用多咗時間去營運,無乜機會學嘢喇。以前唔使去營運嘅時候,拍完劇都會多啲時間學吓新嘢,例如語文、樂器或者讀吓書。」

在劇中,翟威廉力追林夏薇,可惜都係輸俾陳家樂。(黃梓恒攝)

人人都知他主力在Big Big Channel搞Happy Live,經常有一班藝人自己組隊打bnad唱歌,其實還有其他環節,他說:「打機都有,不過唱歌行先喇,打機係想令到自己多元化啲,因為網絡世界始終都要多方面。如果我而家搞Live唱歌要請嘉賓嚟玩,但可以請嘅人就限制咗,只可以搵識唱歌嘅人,我又想搵多啲人玩,所以就開埋打機Live喇,兩方面已經夠喇,可能之後會開埋啲教學嘢,例如日文咁。」

威廉表示呢排都無咩時間學嘢。(梁子健攝)

講起日文,早前周奕瑋幫TVB拍攝了《周遊東京》立即便爆紅,威廉會否想過自己其實也可以擔當主持呢?他表示:「唔緊要,無所謂,都係咁做,同埋周奕瑋都係我師兄,佢早過我去日本讀書,即使年紀都係我前輩嚟㗎。」除了日本通,其實同樣是港男冠軍的袁偉豪、許家傑等都開始有重戲份擔正,但威廉認為每個人都會有不同路線,大家都是朋友,人人都有不同的機遇,盡力做好自己。

威廉絕對會替朋友高興。(黃梓恒攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。