【棟仁的時光】袁偉豪品評男演員「好錫指數」:林子善嘴唇夠厚

撰文:
最後更新日期:

袁偉豪今日同一班演員到尖沙咀宣傳新劇。(林迅景攝)

《棟仁的時光》將於4月16日開播,故事講述曾棟仁(袁偉豪飾)是一個營營役役的打工仔,突然有一天心臟病發,遇上了救護員的程敏琦(唐詩詠飾)。曾棟仁(袁偉豪飾)被救之後,就發現了自己原來可以通過親吻,偷取別人時間的能力從而幫自己續命。袁偉豪接受《香港01》訪問時說:「其實個角色細個嗰時,係預計養唔大,但係因為一次神績,我阿媽求個天俾我我活到30歲,之後就錫咗我一下,所以我就有咗呢個能力。」

睇下袁偉豪同林子善幾sweet。(林迅景攝)

袁偉豪今日出席位於尖沙咀的《棟仁的時光》劇集宣傳活動時,就接受了《香港01》訪問。袁偉豪表示這次劇集拍攝非常難忘特別。「最特別嘅係錫咗好多男人,宜家我係錫咗超過10個男人以上。都算係一個紀錄,喺工作上已經係一個突破。」

喺劇中,其實袁偉豪同唐詩詠先係一對。(林迅景攝)

袁偉豪表示自己在劇內錫了10多個男演員,相信他都有非常之多的經驗。問到他個人感覺「誰的嘴最好錫」。他說:「子善啦,子善都唔錯嘅。佢個嘴都厚唇㗎,其實我同佢都唔差,起碼錫嗰時唔會撞落棚牙度先啦。我感覺到呢,我個對手係緊張嘅,不論係子善又好,許家傑又或者其他人。準備嗌action之前,我都睇到對方係有少少流汗。但係我哋都會希望快啲1 take過,唔好搞咁多。」

袁偉豪同許家傑都有錫過。(劇照)

袁偉豪接著說,一場與男人的戲更是連續拍了好幾天,即是他連續好幾天都跟男人拍接吻戲。「嗰場戲係話我要一邊錫人一邊殺出重圍。個形式同打功夫好似,但係我就要格2,3招就錫一錫。個場戲仲要re-take添吖,都拍足幾日。拍嗰場戲我仲俾某啲男演員啲鬚根刮親我個嘴。當時我都有鬚,不過佢個男性荷爾蒙仲勁過我,啲鬚不知幾實淨,嗰下直頭損咗。」

+7
+6
+5


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。