香港姐級藝人影靚相開心share 李司棋有少女心 鄭裕玲具知性美

撰文:
最後更新日期:

邊個話鍾意自拍、影相、擺型棍pose再upload上網係後生仔女嘅專利嚟㗎?香港好多資深姐級女藝人,都一樣會將自己嘅靚相post上網同大家分心share,唔單只fans數量唔輸蝕俾班後生仔女,就連啲相都好有個人風格,絕對自成一格!以下剩係簡單列舉李司棋、劉嘉玲、鄭裕玲、汪明荃四位做例子,就足以睇到你哋甘拜下風、俯首稱臣。

李司棋──少女心

少女時期嘅司棋姐有幾省鏡相信唔使多講,如果當時有IG,坊間嘅所謂「IG女神」通統都要讓路。不過現齡67歲嘅司棋姐仍然有少女味,睇佢影相擺嘅pose就知佢身體裡住著一顆年輕的心。

司棋姐擁有一顆年輕的心的。(IG圖片)

+14
+13
+12

劉嘉玲──女王氣場

52歲嘅嘉玲姐喺美魔女界別認第二,肯肯定無人敢認第一!呢個靚樣再配合魔鬼身材,無得輸之餘就連女士們都艷羨呀。更重要嘅係,嘉玲姐無論去到邊都自有一股女王氣勢威壓全場。有時莫講話見到佢本人,少啲定力嘅人單單見到佢啲相都真係會隨時跪低高呼千歲㗎。

呢啲咪氣勢囉。(IG圖片)

+3
+2

【美女廚房】美味天使各有發展 春卷做model 蜜瓜嫁Patrick Sir

2018影視界十大現役美魔女 講樣講身材完勝後生女

鄭裕玲──知性美

集影后、視后於一身嘅Do姐,同時又係名嘴、名主持,60歲仍然keep得住高貴大方嘅氣質,而且就連影張相都散發出渾然天成嘅知性美,難怪港姐競選嘅主持、評審、校長等等都經常由Do姐擔任啦,因為真係搵唔到第2個可以媲美嘅人選。就算近年被農夫兩隻嘩鬼激到扎扎跳,但都無損Do姐本身嘅elegant。

無論自拍定他拍,Do姐都係美貌與智慧嘅化身。(IG圖片)

+5
+4
+3

汪明荃──敬重對象

有邊個後輩見到年屆70嘅汪阿姐唔係自自然然肅然起敬!就算係同輩老友記,見到阿姐都只有開心興奮嘅份兒,畢竟佢真係好把炮,除咗喺演藝界地位超然,佢嘅品格、作為、能力等等都對各界人士有影響,有時單係見到汪阿姐嘅相,就足以令人有親切感,兼且打從心底欽佩。

講到汪阿姐,令人敬重同時又予人感覺親切。(FB圖片)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。