陳奐仁同古人撞樣？ 網友笑指似減肥前嘅佢
撰文：朱奕錦
出版：更新：
正所謂人有相似，娛樂圈撞樣的明星已經屢見不鮮，之不過同古人撞樣又真是比較罕見。除了古巨基經常被人笑話似孫中山外，今日陳奐仁（Hanjin）就在Facebook上載一條TVB的新聞訪問片，片中背景有一張好似19世紀初的古人照片，相中的男人面圓圓，戴著一副黑邊眼鏡，同Hanjin的面貌不謀而合，放眼望去又真是幾似Hanjin，連他自己都驚訝寫道：「朋友話後面張相好似我。」還加了一個吃驚的emoji，非常逗趣。網友見到都話：「好似」、「又真係幾似、好可愛」等。
見到張相，Hanjin自己都好驚訝。(短片截圖)
其實今時今日的Hanjin已經有別於舊時，由肥佬變作大隻仔的他一直都在密密操肌，儘管過程艱辛，不過就好有效果，不止塊面瘦了，整個人都fit了好多，所以張相只是同以前的他有幾分相似。
現在Hanjin時常都會在社交網站分享自己keep fit的點滴，看得出他非常努力。昨日（12日），就po出自己練腹肌的短片，還寫著：「權威恐懼症＝無論幾痛都要完成教練的指令。」只見Hanjin半裸上陣，懸吊半空，雖然表情好痛苦，但就明顯見到他的四塊腹肌，Hanjin認真犀利呀！
今時今日的Hanjin同以前相比真是fit咗好多。(IG圖片)