【佛系神曲】艾粒《十戒歌》句句精警 辦公室版本打工仔勁有共鳴

撰文:張嘉敏
出版:更新:

最近吹起一股佛系風,咩都興講佛系,呢個用語最初源於日本,現已成為了網絡流行術語,而艾粒去年面世的歌曲《十戒歌》近日亦因為呢股佛系熱潮而在網上翻hit。艾粒呢首歌的音樂本身就是一首佛曲,MV中兩人全程都是披住條黃色毛巾,做出頌經手勢,扮晒看破紅塵咁,真係好佛系㗎。而首歌的歌詞更是搞笑得嚟又十分精警,簡單十句已經講出現今做人處世的要點,跟住做晒呢十戒絕對會成為Better man。

個mv好搞笑。

《十戒歌》歌詞:「唔好發家人脾氣、唔好一腳踏兩船、唔好約人又遲到、唔好借錢唔還錢、唔好講人哋是非、唔好成日玩手機、唔好減肥又食嘢、唔好開口講粗口、唔好上網寫衰人、唔好樣衰又自拍,完。」網民都紛紛留言話好好笑,大讚係金句,又話講到中晒point。

佢哋自己都忍唔住笑。

而艾粒除了呢首佛系《十戒歌》,原來仲有一首「十戒歌辦公室血液版」㗎,大家如果跟住歌詞堅守呢十戒,office一定會溫暖又和諧,同事間亦會相處融洽,一齊睇睇呢首歌的歌詞啦:「唔好性騷擾同事、唔好發姣電同事、唔好JAM紙扮無嘢、唔好叮飯有怪味、唔好由水機乾水、唔好偷公司文具、唔好成日開廢會、唔好噴臭味香水、唔好姨媽到射波、唔好做隻擦鞋狗,完。」網民繼續like爆,仲話好有共鳴呀。

辦公室版本一樣咁好笑。
呢句好真實。
+15