【開心速遞】林淑敏簽經理人約 終於變親生女:大小姐真係幫咗我

撰文:
最後更新日期:

憑著《愛·回家之開心速遞》中飾演大小姐一角,林淑敏(Mandy)的人氣極速急升,除了角色本身的野蠻潑辣性格之外,跟送水輝(許家傑飾)的感情線亦相當受關注。人氣急升,收入自然會相對的增多,除了這樣,連TVB都立即簽她做親生女,將本來的普通藝員合約變成經理人合約,對Mandy相當之重視。

全世界都記得大小姐。(電視畫面)

對於自己改簽經理人合約,Mandy在接受《香港01》訪問時,她說:「我又唔覺得係好大轉變嘅,轉咗約啫。當時選港姐都係簽經理人,嗰陣時選完我唔簽TVB嘛,之後再入返TVB先簽藝人合約。今次簽經理人係因為覺得方便啲,而家有啲好多job都唔係剩係搵我,會搵埋家傑佢哋,如果能夠一次過傾都會方便啲客搵我。(加人工?)係少少調整嘅,但唔係因為呢個原因嘅,其實我本身份約都差唔多到期要再簽,咁每次renew其實TVB都有個加幅俾我哋,個個演員都有嘅。」

對於Mandy,簽乜約唔係重點。(資料圖片)

今次簽下經理人合約,其實會否覺得公司比以前更加重視自己呢?Mandy表示:「我覺得係身邊嘅同事係鄧我開心咗,大家識得太耐喇,你知呢間公司嘅同事大家都好似唔係好會走咁,相處咗十年八年,有時佢哋行開行埋見到我都會鄧我開心,反而我會鍾意呢種情緒,佢哋鄧我好開鼓勵我,我係好感動,因為呢啲真係愛嚟。」大小姐一角其實幫了Mandy真的十分多,連她自己也相當認同:「係呀,我真係覺得係,唔係我幫到件事,係件事幫咗我。佢個劇本我成日覺得,呢個角色唔落喺我度做,任何一個人做其實效果都唔會相差得太遠,因為本身個故仔真係好。我又真係好彩,呢種角色之前未必有好多人涉獵過,但我係覺得劇本好,無論搵邊個做,出嚟嘅效果唔會係天同地咁遠。」

大小姐同送水輝真係好受歡迎。(網上圖片)

之前《香港01》也報道過,許家傑說Mandy有廣告工作會推薦埋佢(內文:【開心速遞】出道八年靠送水輝上位 許家傑:最緊要係多謝林淑敏),令他心存感激,Mandy謙虛地表示:「唔好話我帶佢,邊個帶邊個都未知,哈哈!其實係大家互相建議㗎啫,互相推薦。其實唔只我同佢,之前偉健Terry都有打俾我,有一個工作佢都有推薦我俾個客,我同Mandy都有客想我哋一齊出job,啱啱同KC又拍咗個廣告,都係我哋會同個客推薦。我哋大家互相推薦,呢個係我哋做咗咁多年積落嘅嘢,我係好開心,大家好齊心。」

全公司都知Mandy係大好人。(資料圖片)

經歷這段時間,由一名不是太出名的配角,變成街知巷聞的大小姐,再到TVB為她簽下經理人合約,會否有一種捱到出頭天的感覺呢?Mandy指:「我未有出頭嘅感覺,可能我反應遲鈍喇,但係忙咗嘅,都係咁做。但唔會因為咁樣而令我性格有改變,我身邊嘅人亦唔會因為我有咩改變而對我有改變,但好明顯佢哋見到我而家比以前好咗,佢哋係開心嘅。有一次我同家傑去唱歌,有位以前同我一齊選港姐嘅同事,我2000選港姐,好似真係走剩我一個,阿簡都走咗喇。佢特登入嚟後台搵我,佢同我講可以喺電視見到我,我哋嗰屆應該係得返我,仲見到我拍緊真係好開心。有位拍攝嘅同事,佢都同我講,返到屋企睇(愛‧回家),由細個睇我到而家真係好開心,我諗我係有啲集體回憶俾到佢哋啩,哈哈!見到佢哋鄧我開心真係好感動。」

究竟2000仲有咩港姐呢?大家一齊睇睇。

Mandy當然係其中一個。(網上圖片)

+15
+14
+13

【開心速遞】出道八年靠送水輝上位 許家傑:最緊要係多謝林淑敏

【開心速遞】許家傑林淑敏孖住拍百老滙廣告 人氣地位受到肯定



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。