【金像獎2018】古天樂奪影帝5000網民激讚:佢對香港電影仲有團火

撰文:
最後更新日期:

金像獎2018終於完滿結束,古天樂大熱稱帝,相信大家都無乜意外。在得獎後,他的舊歷史立即被拿出來,例如他的低調慈善,在內地建築學校等等的事跡。古天樂得獎時在台上的感言也是發人深醒,他說:「呢幾日真係好緊張。。。我哋香港人係點都要做好我哋香港電影。。一部好的電影是不能放棄。。」他續說:「我好多謝我屋企人。。我唔可以唔同我屋企人住,就好似香港電影咁,需要大家支持。」睇得出佢真係好支持香港電影。

佢講諗緊點樣搞香港電影時,其實有啲眼濕濕。(電視畫面)

恭喜晒古天樂!(江智騫攝)

+18
+17
+16

當他得獎後,有網民立即在討論區上為他鼓舞,認為他本來可以揀條輕鬆既路行,但卻選擇繼續發展香港電影。網民的說話是:「當陳小春溫兆倫。。喺上邊(大陸)都搵到食,以古天樂既名氣同地位,輕輕鬆鬆拍下廣告,一年接一套合拍片,下半世打跛腳都唔洗休,佢完全可以好似成龍咁無視自己係香港影視出身。而家上咗位既,咁重份量嘅,有邊個會好似佢咁講野?四大天王同發哥都唔會啦。做到今時今日,佢對香港電影都仲有團火喺到,拎完獎又鼓勵香港電影,又用家庭稱呼同業。再望望佢嚟緊投資個電影list,一堆明顯唔係aim(啱)搵錢既戲,而且肯用啲本土既新人舊人,佢根本係香港娛樂圈既畸形,真心要對依個人寫個服字。」古天樂對香港電影的付出,其實係有好多人睇得到,希望佢繼續努力,為香港電影爭啖氣!

無論演定投資,佢都落足心機。(劇照)

古天樂對香港電影究竟有幾大貢獻?先講今年他的電影公司天下一有份投資的電影,有《低壓槽》、《愛·革命》、《逆流大叔》、《犯罪現場》、《翠絲》、《電影痴漢》和《紙皮婆婆》,還有一些正在籌備當中,包括:《尋秦記》、《風雲天下III之斷浪》、《如來神掌》、《大猩小怪》、《力神薛仁貴》和《雞蛋仔》,當然不能數漏全城期待的《明日戰記》。在香港電影市道愈來愈低迷的時候,古天樂還不惜工本,親力親為地去為香港電影努力,實在唔話得!

【金像獎2018】古天樂入行24年太多經典 95部作品造型一文睇晒

【金像獎2018】古天樂曾公開坦承犯錯 入行24年低調行善回饋社會



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。