圖書館借書排行榜日本旅遊天書佔首位 周奕瑋:自己發掘更加難忘

撰文:
最後更新日期:

(資料來源:民政事務局)

現今社會都著重於網絡平台嘅發展,而大家似乎對閱讀嘅要求已經同過往好唔同。以前返學搭車都會見到人睇報紙同睇書,但依家個個就淨係玩電話做「低頭族」,根本都唔會去留意身邊所發生嘅事。而今日民政事務局日前就公布咗2017年嘅圖書館借書排行榜,其中非小說類的書籍,頭10位竟然有8本都係日本旅遊天書,除了反映香港人的閱讀品味,亦反映港人依然好鍾意日本,旅遊達人周奕瑋接受《香港01》訪問時,表示自己去旅行時,都唔會放過任何搵到旅遊資訊嘅機會,謂:「所以旅遊書、雜誌、上網、問Friend,自己去當地撞吓探險吓,咩都會試。」

(周奕瑋IG)

另外,講到旅遊業書嘅重要性,周奕瑋就覺得旅遊書係去一個地方嘅入門版,係比人對嗰個地方有個基本概念,雖然有用,不過要識得自己過濾吓邊啲真係適合自己,笑言:「同埋我覺得旅行係屬於自己嘅旅程,有時適量地自己盲中中周圍發掘吓會比跟足旅遊書去玩更加難忘。」至於點解香港人咁鍾意去日本,周奕瑋話:「我覺得係日本好多元化,食、shopping、靚景、潮牌嘢、文青影街頭相咩都有,而且成個日本由沖繩到北海道要海有海,要雪有雪要花有花。同埋日本人同其他東南亞地方嘅人嘅思維模式同習慣都唔一樣,佢哋嗰份專注細心嘅職人精神同待客接物都係喺亞洲地方中比較獨特,去其他地方未必搵到。」

再睇吓港人都好鍾意去嘅台灣,舊年台灣就閱讀習慣喺網絡上進行調查,發現台灣人購買書籍嘅自主性都好高,亦覺得親自逛書店揀書比起媒體或者名人推薦更重要。而台灣人會選擇嘅書類頭3位,包括商業理財、心靈勵志同文學小說,而旅遊書都只係排第7位,年齡介乎20-29歲嘅台灣人,平均都會每月花錢購買1-2本書。另外,大部分台灣人都認為閱讀嘅主要目的就係精進工作能力及視野,同時間可以增進知識同優閒娛樂。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。