《愛回家》送水輝形象入屋　許家傑密密接Job：好多謝大小姐

憑著「送水輝」一角越演越紅嘅許家傑，今日以模特兒身份出席品牌活動，唔講大家可能唔知道，其實Jack第一次接觸演藝圈嘅工作就係做模特兒，嗰個時候只係得18歲，Jack透露當初仲記得余文樂做嘉賓。

而工作方面因為「送水輝」都好多人開始認識Jack，更多嘅係接Job接到手軟，Jack表示：「得來從不易，真係好多謝愛回家，好多謝大小姐，不過通常都係情侶檔一齊出席，可能話題性比較多啦。」

至於劇情方面嘅走勢一衆粉絲都好想知道大小姐同送水輝會走到去一個點樣嘅地步呢？連本人Jack都好想知道會唔會開花結果，Jack都好識做透露一下聽晚播出嘅劇情：「聽晚就係同大小姐嘅初戀二部曲，上次就彷效咗一個電影情節，今次我哋就會有其它造型，會令到大家有耳目一新嘅感覺。」講到呢度大家記得期待聽晚嘅愛回家裡面大小姐同送水輝感情線會點樣。