李佳芯唔知自己邊部份最靚 女神搲晒頭：答唔出添，大鑊啦！
撰文：賴家杰
出版：更新：
李佳芯今日(25日)出席品牌活動，現場展示咗好多珠寶手飾，李佳芯表示：「想以呢到為目標，希望可以搵多啲錢，將來都可以舉辦一個珠寶手飾展覽，跟住自己仲可以做埋模特兒，呢個都係一個努力搵錢動力。」
李佳芯出席品牌活動，一身衣著俾人感覺好舒服。(梁碧玲攝）
現時香港地人人都以置業為目標，Ali都唔例外，又想做珠寶生意又想置業，Ali可以點同時實行呢？Ali回答到：「所以要賺多啲錢先可以做呢啲野。」Ali仲講笑話現在唔貪心都可以買到廁所。
Ali表示目標有好多，亦想置業，但現在只能以買到個廁所為目標。(梁碧玲攝）
Ali一直都深受網民喜愛，最近為拍劇更剪短頭髮，一衆網民紛紛表示希望佢可以留番長髮，對此Ali就表示：「我希望我長短頭髮大家都會鍾意。」再問到女神覺得自己邊一方面最為漂亮呢？Ali就擺起一個苦惱嘅面孔，思考咗一陣話：「答唔出添，大鑊啦，我唔知我最靚係乜野，我諗舒服啦，我五官唔靚㗎，但合埋一齊就順眼囉，我唔知自己最靚係邊一部分。」
Ali覺得自己五官唔靚，但合埋一齊就好順眼。(梁碧玲攝）