【逆緣】糖妹曾經同蔡明詩一樣會主動追男仔　對象包括舊愛何浩文

糖妹黃山怡於《逆緣》中飾演Macy蔡明詩，她愛恨分明，對賈卓斌（陳山聰飾）的愛亦十分主動，試過買酒上賈卓斌家，企圖灌醉對方乘機發生關係，繼而復合；試過誤會賈卓斌與女生車震，所以用大石砸爛他的車頭玻璃；試過利用GPS追蹤賈卓斌，看看他有沒有鬼混。

【由奮不顧身　到寧缺勿濫】

那麼，現實中的糖妹，又會否愛得主動呢？她說：「我好羨慕佢（Macy）咁樣架，話追就追，話硬搶就硬搶嗰啲，因為我唔算係咁強烈去表達嘅人。我以前都以為自己會主動出手，但我而家發現自己係唔會，反而會睇清楚、慢慢觀察，可能大個女咗喇。」

雖說糖妹現在對男生要觀察很久，又未必會主動出擊，但她說年輕時都曾試過女追男，包括那段與何浩文的戀情。「我第一、二個男友嗰時咪好主動囉，會奮不顧身，覺得鍾意咪直接講囉。其實話衝動又好，年少無知都好，但當大個咗、喺呢個圈子耐咗、經歷多咗之後就會發覺自己想搵個長遠發展少少嘅對象，唔係玩玩下，所以而家我係寧缺勿濫。」

【分手要狠　明白放過你是放過自己】

糖妹不會愛得主動，亦不會因愛生恨做出過激之事，因此《逆緣》中Macy以石砸爛車頭玻璃的事，糖妹說絕不會發生在自己身上：「我係唔嗌交嗰天人嚟架，我係天秤座，覺得最好就唔好嬲，發生咩事都唔好嬲，總之睇定啲先。如果男朋友真係發生咗啲咩對我唔住嘅事，我會直接走囉，將佢成件事、成個人完全屏蔽，block咗佢囉，唔會contact、唔會討論，總之就離開，直情係佢成個人我都唔會再理。」直接了當總比拖泥帶水好，歌都有得唱啦：「分手要狠」、「明白放過你是放過自己」吖嘛。

【逆緣】糖妹甲組腳唔見咗 分享跑步瘦腳心得：唔食早餐空肚跑步

【逆緣】賀和平仲未衰得透徹 姜大衛：佢貪小便宜啫，本性唔係壞

【逆緣】陳山聰辣手摧殘糖妹 賈綽真心愛Macy：為批金衝昏頭腦