【逆緣】陳山聰辣手摧殘糖妹 賈綽真心愛Macy：為批金衝昏頭腦
撰文：梁子健
出版：更新：
陳山聰說與糖妹只有蜻蜓點水的親熱戲份。(梁碧玲攝)
《逆緣》昨晚（4月26日）播至第19集，陳山聰飾演的「賈卓斌」，其奸角反派形象已露出尾巴，亦相信不少觀眾已經猜得到，現在出現的「賈卓斌」其實是賈卓斌的爺爺，亦即冷凍人賈綽假扮的，而真正的賈卓斌已被藏了起來。因此，相信劇情很快便會交代冷凍人賈綽與孫子賈卓斌的情節。
【陳山聰一人分飾兩角有難度】
對於今次需要一人分飾兩個外表一樣，但性格截然不同的角色，陳山聰坦言有難度：「佢兩個嘅性格算係大分別嘅，個孫就好正直、好大男人，阿爺就會細心啲啦，做起壞事上嚟又會去得好盡。其實個孫俾阿爺打咗懵仔針，佢係無晒反應嘅，所以我要做一個無乜意識嘅人，變咗呢度有啲難度。不過，好彩造型上幫咗我囉，因為孫仔會有一個幾癲喪嘅造型，而且孫仔出場好短時間就死咗。」
除了兩個角色性格上有分別導致難演外，陳山聰說賈綽與賈卓斌對戲的場面亦很考起他：「最難係我同我自己做戲，因為會有幾場戲係賈綽對住賈卓斌兩個人對戲，其實有個人專做我替身，我演賈綽時對住瞓喺床嘅阿孫，阿孫就暫時由替身扮住先。直到我講講講，講完之後就掉返轉，我就要轉過個妝，然後瞓上床扮賈卓斌，再對住企喺度嘅替身做返同一場戲，呢個係最難。」
+3
【陳山聰：糟蹋得糖妹幾勁架！】
提到賈綽為了批黃金，連自己孫子都不放過，作為女朋友的蔡明詩（糖妹黃山怡飾）又怎能例外，陳山聰表示：「其實阿爺係真心鍾意咗糖妹嘅，但無辦法啦，佢最後都係為咗利益，為咗批金而衝昏咗頭腦，需要心狠手辣對待糖妹。（咁郁手嗰時有無就住，定好入戲好兇狠？）郁手一定要就住啦，都拍咗好多個take，因為糖妹話自己好少做戲俾人打，所以我都叫佢要點樣點樣就位。嗰場戲都花咗好多時間去研究點樣打得出狼死嘅感覺，始終賈綽係個做嘢去得好盡嘅角色，所以嗰場戲我最後都糟蹋得糖妹幾勁架！」活潑跳跳紮的糖妹如何被辣手摧花、被摧殘到什麼地步？真的要繼續追看。
劇中的「賈卓斌」開始露出反派尾巴。(劇集截圖)
+2