【專訪】劉嘉玲自30歲開始每日做運動 要靚一定要付出代價

撰文:史順宜
出版:更新:

一個專業演員為了一個演出,一齣舞台劇,到底可以去到幾盡?影后劉嘉玲就是一個「台上一分鐘,台下十年功」的表表者。「我自30歲開始每日做運動,到依家我都仍然冇放棄過。」劉嘉玲說。
攝影:陳順禎
化妝:+0
髮型:Ken Hui @ii Alchemy
服裝:Rockins UK
場地:英皇駿景酒店

劉嘉玲將於今年7月聯同秦沛及謝君豪主演由毛俊輝執導的舞台劇《奪命証人》。要數嘉玲姐演過的電影多不勝數,雖然舞台劇方面寥寥可數,但舞台劇的魔力卻讓她非常著迷。她只曾演過3次,最近一次已經是2014至2015年期間公演的《杜老誌》,當年《杜老誌》反應熱烈,而且更為她贏得「最佳舞台劇女主角大獎」。

 

「其實未必每一個角色都會與自己性格相似,好多角色都需要用自身專業技術去完成。可能大家會覺得今次我嘅角色係一位聰明,有心計嘅人。但其實呢啲只係表面,佢都有柔弱嘅一面。其實每個人或角色都有弱點,要將人性呈現出來反而係舞台劇最有趣嘅地方。」嘉玲姐說。
劉嘉玲將於今年7月聯同秦沛及謝君豪主演由毛俊輝執導的舞台劇《奪命証人》。(攝影:陳順禎)

嘉玲姐一向抱持專業態度做好每件事,雖然她現時已在業界得到不少成就,但她的生活習慣絕對沒有因此而改變,「台上一分鐘,台下十年功」絕對是她成功的引証:「要做一次舞台劇我嘅準備功夫要做好耐,例如體能、身型、健康等,全部都息息相關。我自30歲開始每日做運動,到依家我都仍然冇放棄過。因為作為一個專業嘅演員對自己一定要有嚴格嘅規定。」

為了事業,嘉玲姐除了要保持良好狀態外,她坦言說話用字也需要與時並進,因為同一句對白在不同年代出現,用字上也有不同:「我唔可以與時代脫節,因為當你被時代淘汰,你講嘢用詞又會舊,自然喺對白表達上亦會舊。所以我一路都喜歡向年青人傾計,學習,要知道佢哋嘅語言。嚟到呢個年紀,我身邊嘅朋友都係鍾意打牌,shopping(購物),但我唔同。我想學多啲嘢,我唔會用『捱』去形容我嘅學習,因為呢個就係我人生樂趣。」

劉嘉玲表示自30歲開始每日做運動,到依家仍然沒有放棄。(攝影:陳順禎)

她續說:「我覺得成功嘅人係要有一顆『童心』,因為有童真嘅人解決問題時會用最簡單嘅方式,有時處事太複雜可能會損人不利己,所以我做人好簡單,而且我覺得自己係一個好勇敢嘅人,有好多挑戰我都會願意去嘗試。尤其是我這個年紀,要趁自己有心有力周圍見識,感受生活,因為呢啲生活細節都會對人生及工作好有幫助。」

老闆楊受成先生在訪問中途出現,並大讚嘉玲姐的工作態度。(攝影:陳順禎)

說到這裡,在訪問中途突然有段小插曲。原來老闆楊受成先生一直在背後監場,並與嘉玲姐有一段有趣對話。「你(指嘉玲姐)真係好嘢!你同梁朝偉真係一頭一尾,你咁鬼勤力,做事咁鬼有魄力!真係冇得頂!。」楊生說。

嘉玲姐馬上幫老公護航:「其實佢(指梁朝偉)都有嘅,只不過佢為人內斂啫。」

楊生笑言:「佢都有嘅咩?!」

+1
你可能感興趣