爆肌人夫張繼聰幸福肥暴漲？ 湊女驚現大肚腩嚇窒網友
撰文：洪曉璇
出版：更新：
爆肌人夫張繼聰不時喺戲中SHOW肌。（影片截圖）
+2
好身材大家都想望多兩眼，無分男女，近幾年多咗好多香港男藝人愛上操肌，唔聲唔聲嚇大家一驚，由張家輝、森美、陳豪到最近嘅陳奐仁，見到佢地嘅操練成果，簡直覺得人生充滿希望呀﹗張繼聰都係爆肌人夫代表之一，點知呢日佢湊住囡囡Kakaball時，居然被眼利嘅網友發現佢身材走樣，阿聰仲承認自己：「無錯，我係重咗幾十磅﹗」點解呀？
張氏一家四口去到球場享受家庭樂。（張繼聰IG）
阿聰同謝安琪一向好重視兩個小朋友，盡可能抽時間陪住佢地成長，呢日又一家四口出動去到球場，見到阿聰上載短片，留言話：「諗住『的』番一兩個鐘係個囡（女）面前威吓，點知個波唔合作。」片中阿聰用強勁右臂抱住Kakaball，雙腳一下一下咁「的波」，連續十幾二十下，有姿勢有實際架，Kay留言笑老公：「我覺得最尾果（嗰）個尷尬笑幾趣致。」到底呢句係恥笑定耍花槍呢？
張繼聰親認肥咗十幾磅。（張繼聰Facebook）
張繼聰真係好勤力健身，成日喺健身室打卡。（張繼聰IG）
喺Kay眼中充滿幸福同愛，不過網友睇到嘅就多角度好多啦，好似：「留鬚好似希特拉」、「BB個樣淨係諗緊：爸爸你咁郁黎郁去我會嘔嫁」，仲有位好眼利嘅網友話：「果（嗰）個…唔會係…肚腩掛」。阿聰都好快咁作出回應：「將個焦點放係我個肚腩嘅朋友仔們，留意番，無錯，我係重咗幾十磅（為咗角色，我無悔）。」十幾磅真係唔少嘢，隨時將8舊腹肌變返做一舊，不過有心水清嘅網友留言話：「bulking呀 上緊磅增肌 再cut fat」即係先增肌再減脂，阿聰都即刻回應一句：「唔好話俾咁多人知呀。」仲繼續操落去，唔通阿聰想變港版變型俠醫？
世事都俾呢位網友睇穿晒啦……（張繼聰Facebook）
一直訓練落嚟，阿聰手臂紋身都已經拉闊唔少，再操落去可能會變16比9……（張繼聰IG）