自導自演張家輝開新戲慘食檸檬 竟有演員拒邀唔拍《低壓槽》?

撰文:陳栢宇
出版:更新:

演而優則導嘅張家輝即將推出自編自導自演嘅新片《低壓槽》,佢接受奇妙電視節目《同Sing同戲》主持嚴崇天訪問時,就指犯罪動作片一直都係香港電影嘅強項品牌,當中就以卧底題材最受港人喜愛,而佢自己亦都對此情有獨鍾。第三次做導演嘅張家輝亦話作為導演就絕對唔能夠欺場,所以戲中有大量大型飛車、槍戰場面。講到電影好揼本,有勁多CG,張家輝就話自己有掙扎過係咪真係要拍呢個題材。家輝又透露完成劇本後開始邀請演員參演,但當中有人拒絕佢。主持嚴崇天就好奇點解有人拒絕家輝,家輝就話自己都有拒絕人嘅時候,所以以平常心對待,未有因此感到氣餒。

張家輝話有演員拒絕演出佢套新戲,不過佢就冇諗到氣餒,因為佢自己都會拒絕人。