【棟仁的時光】張漢斌全祼上陣好尷尬：導演之前問我有冇T-Back

作為一個專業嘅演員，隨時隨地都要為藝術犧牲。好似周星馳喺《喜劇之王》都有講過：「臨時演員都係演員！」今次張漢斌就喺無綫劇集《棟仁的時光》入面幾乎全裸上陣，劇情講到張漢斌喺入面飾演一個mean爆管理處主管，經常欺壓執紙皮嘅鄭敬基「光蘇伯伯」。袁偉豪就因為睇唔過眼而懲罰張漢斌，將佢剝光豬放喺貨lift入面，雖然短短三秒但係都有大特寫！

【棟仁的時光】企跳李旻芳唔推Job好捱得：試過做替身俾蟲躝上身

唔知大家記唔記得張漢斌呢？佢之前喺《翻生武林》入面飾演一個死囚，行刑前坐喺囚車，被雞蛋掟頭，再被掟酸醙豆腐，仲要生食啃死，拍嘅時候要含住舊暖嘅三文魚，拍攝時臭足4個鐘！唔少網民睇完都大讚佢專業！

張漢斌接受《香港01》訪問時，透露拍攝喔當時著咗低褲：「但係導演之前就問我有冇T-Back，其實佢都係後製抹走條低褲邊，所以盡量著少啲，拍嘅時候就將條低褲摺細啲。」問到今次幾乎上陣，會唔會覺得尷尬？他笑言：「都有少少尷尬，因為嗰場戲係講我喺lift入面剝晒衫褲。有班臨時演員圍住我，同埋啲工作人員，所以都有啲尷尬。不過收到呢個劇本嘅時候，覺得佢個劇情係好合理，做落去都舒服，都知道會發生呢件事，有晒心理準備，都OK嘅！ 」