黃德斌離巢無綫尋求新挑戰新突破：錢都好緊要，但我睇機會多啲
撰文：張嘉敏
出版：更新：
無綫歷年人才輩出，栽培並捧紅了不少藝人，可以說是本地演藝界的搖籃，不過亦很多藝人於大台工作多年，最終都決定離巢往外闖，效力無綫有25年之久的黃德斌就是其中一個，他於去年底正式離開娘家出外發展。回復自由身的德斌今日就與何傲兒一起為ViuTV的節目《全民星戰》宣傳，還即場示範玩搶錢遊戲。現實生活中，德斌坦言錢對他來說當然重要，但他亦好睇工作機會，他曾在訪問中表示希望自己的事業可以更上一層樓，尋求新挑戰新嘗試，亦有內地製作人找他拍戲，所以即使TVB加薪挽留也留不住他。
黃德斌同何傲兒一齊為ViuTV嘅節目宣傳。（陳順禎攝）
談到離巢後的工作發展，德斌說：「有人幫我手去傾洽工作，啱啱拍完一套網劇，嚟緊會拍一部電影，但唔透露得住。依家係有多啲唔同嘅工作機會，遲啲都會返大陸拍戲拍劇。」提到年前他接拍戚其義監製的內地劇《傳奇大亨》結果爛尾收場，他連一毫子片酬都收不到，會否因而怕了到內地發展，他說：「唔會，呢啲唔會係常態嚟。」
黃德斌話想拍多啲電影，都會返內地拍戲。（陳順禎攝）
黃德斌玩遊戲輸咗比何傲兒。（陳順禎攝）
他坦言都想拍多些電影，希望在演藝圈事業上可以有多些不同的嘗試：「咩片種都得，例如拍愛情片，之前拍咗電影《逆流大叔》就係一部小品嚟。」問到離巢後可有加過片酬，他說：「我睇機會多啲，咁錢都好重要，但都會睇性質同角色，例如為慈善免費都無問題。」他又透露與TVB暫時未有新的合作計劃，但若找他傾是絕對歡迎的。問到今年初去拜神是否祈求工作有更好的發展，他謂身體健康才最重要。至於為甚麼遲遲都未跟已拍拖16年多的女友結婚，他即笑言：「無得解，想結就結。（咁幾時結？）唔話你知，多謝關心。」
+4