【飛虎之潛行極戰】雪兒再拍《尋秦記》:睇下古天樂會唔會搵我啦

撰文:
最後更新日期:

今日(5月7日)《飛虎之潛行極戰》記者會中十分有幸見到雪兒本尊,原來差點就與她緣懢一面,因為她是Last Minute才決定與會的,還是十分貼地地選擇乘坐港鐵到會場。「佢好熟路架,成日都自己返嚟香港搭港鐵周圍去。」雪兒身邊工作員人透露。

問到為何近年重投娛圈工作,雪兒解釋:「因為仔女大咗所以自己都多咗時間,加上老公愈來愈忙,佢亦希望我有啲嘢做等自己開心下玩下。咁啱今次樂小姐打電話嚟,問我想唔想試CIA Agent呢個角色,仲叫我唔好擔心,話係好舒服嘅無壓力角色,咁我咁耐無拍劇咪試下。」

相關文章:

【飛虎之潛行極戰】王敏奕無懼動作戲受傷:拍打戲無傷就唔有型啦

【飛虎之潛行極戰】何佩瑜拍劇初體驗 望再接再厲與吳卓羲續前緣

在《飛虎》中雪兒飾演CIA情報組的角色,其短髮造型的確很有知性美主管的味兒。(黃國立攝)

上述說話予人覺得雪兒不想拍些太辛苦的角色,其實不然,她還是想嘗試一些具挑戰性的演出的:「其實我都想做少少動作戲架,當初以為我個角色係CIA Agent就一定會有啲動作成份,點知無乜,只係得一場揸鎗training戲,反而係講好多嘢。其實我唔介意辛苦,如果個角色好吸引我,同埋俾足夠時間我去做工課我都會接,因為我想試啲新嘢。」雪兒再三強調要給予她足夠時間做事前準備,因為她承認看劇本方面依然有困難,會擔心不能準確說出台詞。

+4
+4
+4

對於她復出工作,照計好友古天樂會經常找她合作,但事實卻……「上次合作已是客串《破狼·貪狼》,至於新合作計畫佢哋(工作人員)應該傾緊,我唔知。(咁《尋秦記》電影版呢?)好多人都問我呢個問題,但佢(古天樂)都未搵我,可能佢擔心我講唔到啲古裝對白。其實再拍《尋秦記》應該都好好玩嘅,如果古生搵我拍戲我一定拍,大家咁friend。睇下佢會唔會搵我先啦。」前「趙倩」開到聲,古生應該識做嘅。

當年雪兒於《尋秦記》一劇中飾演的趙倩。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。