【飛虎之潛行極戰】王敏奕無懼動作戲受傷:拍打戲無傷就唔有型啦

撰文:
最後更新日期:

記者會今日(5月7日)於將軍澳電視廣播城舉行。(黃國立攝)

《飛虎之潛行極戰》在YOUKU的播放量已超21.5億,MyTV SUPER的瀏覽量亦已突破510萬,成績相當之好。為祝賀佳績並公佈        將在五月十四日21:00登陸翡翠台,一眾劇集演員包括苗僑偉、吳卓羲、吳岱融、王敏德、鄭雪兒、何佩瑜等出席記者會宣傳。

【裸露男飛虎 王敏奕嚇親】

期間與王敏奕閒聊並提到飛虎眾多大隻猛男半裸入浴那一幕,問她有沒有在現場大飽眼福,她說:「嗰場戲我唔喺度呀,因為嗰日無女仔戲份,男仔啲赤裸畫面就一日一次過拍晒。其實如果我當時喺度反而會阻住佢哋,會搞到佢哋唔可以剝得咁徹底。」誠言,要是有女生在場,相信觀眾們就會與那些沐浴畫面緣慳一面了。另外,王敏奕補充雖未能在現場「欣賞」,但單純透過熒光幕觀看亦已足夠叫她震撼:「事後我睇完第一集都嚇親呀!點解露到咁嘅?」

【飛虎之潛行極戰】何佩瑜拍劇初體驗 望再接再厲與吳卓羲續前緣

【飛虎之潛行極戰】雪兒再拍《尋秦記》:睇下古天樂會唔會搵我啦

【飛虎之潛行極戰】吳卓羲仲有邊種警察未演過? 佢親自解答...

這個入浴畫面,王敏奕說隔著鏡頭看都被嚇親。(劇集截圖)

【去洗手間最困難】

劇中飛虎隊隊員雖多,但女隊員只有王敏奕飾演的戴以菲一位,因此在飛虎隊之中她還是相當搶鏡的。「因為我特別細粒吖嘛。」她笑說。

問到與那麼多男士拍動作戲會否不方便,她說:「我諗除咗去洗手間唔方便之外都無乜,因為著呢套製服對女仔去廁所係無咁方便,加上我哋喺荒山野嶺拍,我每次都係因為去洗手間問題而要麻煩劇組車返我出去有文明、有廁所嘅地方。之後我除低套嘢再去洗手間都要花啲時間,所以去洗手間係身為女仔而遇到嘅難題。」

王敏奕的一身裝備並不輕,單單槍枝都相當沉重,因此訪問時她都需要坐下稍作休息。(黃國立攝)

【期望拍打戲唔怕傷:無傷就唔有型啦】

去洗手間是最大難題,那麼體能呢?難度身負重量不輕的飛虎裝備跑跑跳跳,而且時常身水身汗,對嬌滴的王敏奕來說不成問題嗎?「女仔嚟講我都算ok,身體體能上都算fit,叫做跑得下跳得下。不過當然最初無諗過要負咁重嘅裝備啦,我而家左手拎呢個(機槍)都吃力架,唯有頂硬上。」

除了裝備重,拍攝時更多次遇到惡劣天氣,但王敏奕一一正面看待,視之為挑戰,更說自己十分之喜歡拍這種動作戲:「拍動作戲係好挑戰到自己,當時拍攝時天氣好熱,期間又打咗幾場風、落咗3場黑雨,仲要著到咁厚兼帶頭盔,啲裝備會再重啲。嗰時我都捱過咗,嚟緊應該好fit架喇,所以如果可以拍打戲我都想,我本身唔係特別斯文,我好鍾意郁、好好動,而家又越train越勁練埋boxing同空手道,最想拍古裝動作片。」

不少人拍動作戲怕痛、怕傷,女士更怕瘀傷及疤痕,但王敏奕卻很女漢子:「拍打戲無傷就唔有型啦。」聽她說完真的要豎起手指公。

+6
+6
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。