黃建東又做男主角　獲欽點拍宣傳片分飾多角有望上位

憑著惡搞港版PPAP、高潮女、龍哥等而成為「新一代扮嘢王」嘅藝人黃建東，除咗喺《降魔的番外篇首部曲》初嘗男主角滋味，最近更獲無綫欽點為星河頻道拍攝宣傳片擔任男主角，一人分飾多個影視戲劇和節目的經典角色，大家睇完又認唔認得佢扮緊邊幾個角色？

宣傳片中黃建東一次過挑戰《神雕俠侶》沒有斷臂吃着炮谷的楊過、講著《溏心風暴》對白而扮盲的《踩過界》盲俠、《上海灘》撞入日婚禮搶新人雞髀的許文強、《甜蜜蜜》自己扮踩單車載人的黎明、《開心速遞》對着送水輝相片發姣兼發惡的大小姐、《使徒行者》勇救小熊阿娟的三哥、《Do姐去shopping》的Do姐。

東東最驚喜是要扮楊過和許文強：「反串搞笑間唔中都會做，但係做型男好耐冇試過，所以當佢哋話叫我扮楊過我有啲不敢相信。我希望未來嘅搞笑唔會好似之前淨係反串或者騎呢，希望可以做到啲型仔搞笑路線。」

由於這條宣傳片主攻東南亞市場，所以要講國語，東東用國語 jam對白時，扮《使徒行者》拯救熊仔人質時不禁改了她的名字做阿娟，令劇組人員爆笑。東東最深刻印象是拍攝《甜蜜蜜》扮黎明本身有架單車踩，但載人後單車很難平衡，所以拍攝時決定扮踩，但出來的效果很逼真。很久沒有拍自家式搞笑片，東東正在度一些新構思希望有驚喜和爆笑給大家。