陳豪又爆愛妻金句 陳茵媺：懂得互相感恩
撰文：冼燕珊
出版：更新：
陳豪和太太陳茵媺 (Amiee) 今日(5月12日) 夫妻檔出席義賣活動，每次兩公婆一齊出現，在場人士都應該戴返副黑超保護對眼，事關佢哋真係勁Sweet！小至陳豪一個細微的呵護動作，換來 Amiee 勁冧的甜笑，大至陳豪開到聲大讚老婆，都令現場單身人士受到十級傷害。
陳豪陳茵媺夫妻檔出席活動，大放閃光彈。（黃國立攝）
活動司儀森美叫陳豪分別為媽咪、外母、太太同女兒，挑選適合佢哋嘅湯水，結果佢揀咗「神級Fushion 湯」畀老婆，陳豪解釋：「因為佢係女神！」繼「She is my queen」後又一金句。不過 Amiee 都唔弱，老公餵湯畀自己飲，森美笑問 Amiee 係啲湯甜啲定還是老公餵甜啲，Amiee 甜笑回應：「湯好甜，但老公餵更加甜。」
陳豪餵老婆飲湯，Amiee大讚老公餵得特別甜，勁Sweet！（黃國立攝）
陳豪大讚老婆係女神。(黃國立攝)
「讚老婆係應該嘅。」陳豪說：「唔係講假話，坦白講，老婆為頭家真係唔容易，係一個艱難嘅工作，要湊小朋友真係好辛苦，無論係心理同生理上都係，我作為丈夫，講兩句甜言蜜語算得係咩，我唔鐘意講假話，我講嘅都係真話。」Amiee接著說：「係Sweet from heart，我哋唔係特別去讚，我哋都係咁教小朋友，見到身邊人做得好，會感恩讚美。」懂得感恩對方為自己付出的一切，就是陳氏夫婦的婚姻之道。
+3