森美自稱係陳豪第三者 講笑話想推陳茵媺落台

撰文:
最後更新日期:

今日(12/5)陳豪(Moses)、陳茵媺(Amiee)夫妻檔出席活動,森美擔任司儀,大頭B同笨蕉(TVB劇集《誇世代》角色)呢對「熒幕情侶」再次碰頭,但中間隔住正印陳茵媺。

森美、陳豪和陳茵媺首次三人同台,森美和陳豪曾因為出演《誇世代》,劇中二人關係親密被封為「熒幕情侶」。(黃國立攝)。

【商台靈異事件】鄭裕玲頂帽離奇被攝上天花板 森美供出嫌疑犯

森美大讚古巨基份人好MAN 非第一次忍痛繼續表演

陳豪又爆愛妻金句 陳茵媺:懂得互相感恩

森美在活動後,同陳氏夫婦合照時,仲攬住阿Mo 話自己係「第三者」,仲講笑話之前上TVB 唱《聽海》其實係唱畀陳豪聽。森美接受《香港01》訪問時說:「我都爭啲唔記得同阿Mo 傳過緋聞,如果我記得,頭先陳豪餵湯我就應該衝出去唔畀佢餵,好似《上海灘》許文強咁大叫『程程』,推陳茵媺落台。」

森美攬住阿Mo 話自己係第三者,想推陳茵媺落台。(黃國立攝)

其實森美都係講笑搞吓氣氛而已,實情係佢太太 Veronica 因為要陪囝囝去英國讀書,所以兩公婆要分開一段時間,見到陳豪夫婦咁恩愛,一時間感觸,突然想念同太太相處嘅日子。好在依家通訊好方便,森美早晚都可以同太太傾到計,佢仲話其實《聽海》係唱畀太太聽,《聽海》嘅歌詞係這樣寫的:「寫信告訴我今天,海是什麼顏色,夜夜陪著你的海,心情又如何。」一對結婚十幾年的夫妻,因為分隔異地,小別一段時間,還會掛住同太太相處的點滴,仲會咁渴望知道對方每日過成點,真係超級浪漫。

森美同太太結婚十多年,依然像熱戀一樣。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。