【刑偵II】郭藹明「驚」典造型 監製潘嘉德嚇親:角色創作成功!

撰文:
最後更新日期:

《刑偵II》第30集這一幕村屋攤牌,郭藹明刻意為Carmen改變造型,視覺上令觀眾更感心寒。(無綫電視截圖)

新劇不濟,舊劇重播自然成為話題!1995年12月首播的《刑事偵緝檔案II》,距今雖已23年,然而近日重播再次引起無數劇迷討論,將舊劇當作新劇收睇。觀眾的重點,除了放在Gigi(蘇玉華飾)因為臨時加拍10集沒有檔期而慘遭「賜死」,並邀請彼時剛剛過檔華納唱片的鄭秀文回歸公仔箱,飾演張大勇(陶大宇飾)的學生時代暗戀對象葉子晴之外;另一個不能錯過的焦點,必定是由郭藹明飾演的藍嘉文(Carmen)身上。

想當年,這個角色在劇集初段因暗戀其上司張大勇,間接(或直接)影響他與高婕(郭可盈飾)之間的戀情,後來二人分手,Carmen如願與張大勇拍拖,劇情有此轉變,確令很多觀眾「睇到嬲」,覺得Carmen夾硬搶走張大勇,這種「憤怒」情緒甚至延續至今,今時今日依然有網民邊睇重播邊留言鬧爆:「Carmen真係好乞人憎,憎足廿幾集,憎足十幾年!」

潘嘉德認為,Carmen在劇中是否屬於「第三者」是見仁見智,「如果一對情侶之間冇任何隔閡,一定係針插都唔入啦。」(無綫電視截圖)

不過鬧還鬧,憎還憎,作為觀眾必須承認,如果郭藹明的演技差,絕不會令大家如此「記仇」,演得好才能令劇迷留下深刻印象,尤其是Carmen這個角色設計心理變化大,發揮多,尤以第30集高潮位最精彩 ── Carmen在村屋和張大勇、高婕攤牌時,她險將二人燒死,頭戴髮箍,烈焰紅唇,冷漠眼神,直教人打冷震,睇到「心都寒埋」!誇張點說,單單是這一幕,和今天很多一線花旦甚至視后相比,劉太的演技依然能夠領先一兩個身位,要是無綫當年已舉辦「萬千星輝頒獎典禮」,她絕對揹得起「視后」這個銜頭。

《刑偵II》於1995年開鏡,當時郭藹明已先後演過《大時代》(1992)、《天倫》(1993)和《笑看風雲》(1994),算是上位中的無綫花旦,到底當初為何會想到邀請郭藹明加入《刑偵II》?Carmen一角既是第二女主角,乍看又似是要用來「襯托」郭可盈,觀感上絕不討好,郭藹明有沒有擔心過參演會影響形象?《刑偵II》監製潘嘉德(德哥)接受《香港01》訪問時,直言以上述角度理解演員想法,相當膚淺。

「我又唔同意你話郭藹明係襯托郭可盈喎!」他直言,這種誰襯托誰的思維,是傳媒報道帶來的誤會。「傳媒成日咁樣寫,啲觀眾先會畀你哋『縱壞』晒!講真,當時郭藹明係冇呢個諗法,如果佢有咁諗,擔心呢個角色會有影響形象,咁佢咪要Hea住演?對我嚟講,Carmen呢個角色完全係佢演技大突破,有啲觀眾話憎佢20年,冇問題㗎喎,佢喺劇入面真係慢慢咁去建立角色性格,大家唔能夠忘記佢,真係唔出奇,證明佢嘅努力冇白費。」

潘嘉德大讚郭藹明專業,為角色花很多功夫:「相信呢個係佢喺《大時代》龍紀文之後,另一個成功嘅角色創作,觀眾憎佢廿年冇問題啦,我細個睇戲見到李香琴都憎佢呀,但現實中我好尊敬佢!」(無綫電視截圖)

相關文章:

【刑偵II】方健儀笑大宇讀錯啫時 監製潘嘉德:咁講對演員係傷害

【刑事偵緝檔案】蘇玉華突然被車死 監製話鄭秀文隨即加入有原因

劉青雲陪郭藹明到TVB傾劇

為何當時要邀請郭藹明加盟《刑偵II》劇組?德哥坦然是基於劇本創作的考慮。

「一來Carmen呢個角色本身係同英國倫敦件案(第九單元:真相)拉住,年紀上唔可以太Young,二來佢捲入張大勇同Jessie呢個三角關係,呢對情侶如果冇風冇浪,套劇就做唔到落去,所以一定要諗啲新嘢,但為咗加強可觀性,呢個新角色一定要有相當份量,我哋覺得郭藹明幾合適,就搵咗佢做Casting。」德哥記得,當天劉青雲做「柴可夫」,接載當時仍是女朋友的郭藹明到清水灣電視城面談。

《刑偵II》第30集這一幕村屋攤牌,郭藹明刻意為Carmen改變造型,視覺上令觀眾更感心寒。(無綫電視截圖)

談到郭藹明演得最好、最深刻一幕,德哥直言霎時間無法記起:「我拍咗150集《刑偵》,點可能記得邊場係最深刻呀?」但講到第30集那幕「攤牌+火燭」的高潮戲,德哥又拾回些許回憶,「剛才你話搽到個嘴唇紅晒嘅嗰個打扮,係郭藹明自己構思出嚟,所以你話佢幾咁入戲?我自己睇Playback都嚇咗一大跳!」德哥認為,單單是這種演員的自身創作 ── 德哥指拍劇有三種創作,劇本的文字創作、導演的影像詮釋、演員對角色理解 ── 足已反映郭藹明的演出值得更多觀眾掌聲。

無師自通揣摩角色

「如果咩都係照稿讀,咪會悶囉!郭藹明讀書方面係高材生,分析能力強,就算佢冇學過演戲,都可以用自己嘅本能去揣摩個角色要點樣演繹,佢喺《大時代》經已演得好好,去到《刑偵II》,郭藹明用佢對Carmen呢個角色嘅理解,喺造型上再花咁多功夫,真係好好,相信呢個係佢喺《大時代》龍紀文之後,另一個成功嘅角色創作!」

至於Carmen一角是否令觀眾反感這個膚淺問題,德哥以此回應:「以前啲演員真係唔會咁諗,有得發揮就已經開心到不得了啦!」他又說,當年《刑偵》收視稱王,續拍《刑偵II》幾乎全台總動員參演,「很多演員都只係做客串,有啲要做殺手,有啲出一兩場就做死屍,就連邵氏功夫男星劉家輝都要演綁架者,所以邊度會話介意自己係一線定二線?以而家嘅標準你哋當然會咁樣諗,但事實真係唔係咁樣,想當年TVB全台上下嘅氣氛真係好好。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。